2025 ജനുവരി 1 ന് ലോക ജനസംഖ്യ 8.09 ബില്യണിലെത്തും.  2024 ല്‍ 71 ദശലക്ഷത്തിലധികം ആളുകളുടെ വര്‍ദ്ധനവ്. പട്ടികയില്‍ ഇന്ത്യ ഒന്നാമത്

വാഷിംഗ്ടണ്‍: അമേരിക്കന്‍ സെന്‍സസ് ബ്യൂറോയുടെ കണക്കനുസരിച്ച് 2024 ല്‍ 71 ദശലക്ഷത്തിലധികം ആളുകളുടെ വര്‍ദ്ധനവാണ് ഉണ്ടായത്.

2025 ജനുവരി 1 ന് ലോക ജനസംഖ്യ 8.09 ബില്യണിലെത്തുമെന്നാണ് പ്രതീക്ഷ. 2024-ല്‍, 1.41 ബില്യണ്‍ ജനസംഖ്യയുള്ള ഇന്ത്യ തന്നെയാണ് ഏറ്റവും മുന്നില്‍.

അമേരിക്കന്‍ സെന്‍സസ് ബ്യൂറോ പറയുന്നതനുസരിച്ച് '2025 ജനുവരി 1 ന് പ്രവചിക്കപ്പെട്ട ലോക ജനസംഖ്യ 8,092,034,511 ആണ്. 

എന്നാല്‍ 2024 ലെ പുതുവത്സര ദിനത്തേക്കാള്‍ 71,178,087 (0.89 ശതമാനം) വര്‍ധനയാണ് ഉണ്ടായിരിക്കുന്നത്.

 2025 ജനുവരി മാസത്തില്‍ ലോകമെമ്പാടും ഓരോ സെക്കന്‍ഡിലും ഏകദേശം 4.2 ജനനങ്ങളും 2.0 മരണങ്ങളും പ്രതീക്ഷിക്കുന്നുവെന്നും ബ്യൂറോ കൂട്ടിച്ചേര്‍ത്തു.

2024 ജൂലൈയിലെ കണക്കനുസരിച്ച്, 1,409,128,296 ഓളം ജനസംഖ്യയുള്ള ലോകത്തിലെ ഏറ്റവും വലിയ രാജ്യം ഇന്ത്യയാണ്.

തൊട്ടു പിന്നാലെ 1,407,929,929 ഓളം ജനസംഖ്യയുമായി ചൈനയുണ്ട്.