തെൽ അവീവിൽ ഹൂത്തികൾ ആക്രമണം നടത്തിയതിന് പിന്നാലെ യെമനിലെ ഹൊദൈദ തുറമുഖത്ത് ഇസ്രായേൽ ബോംബാക്രമണം

ടെല്‍അവീവ്: ഇറാനുമായി സഖ്യത്തിലായ ഹൂത്തികള്‍ തെല്‍ അവീവിലെ വിമാനത്താവളത്തിന് സമീപം മിസൈല്‍ വിക്ഷേപിച്ചതിന് ഒരു ദിവസത്തിന് ശേഷം തിങ്കളാഴ്ച യെമനിലെ ഹൊദൈദ തുറമുഖത്ത് ഇസ്രായേല്‍ വ്യോമാക്രമണം നടത്തി.

ഇസ്രായേല്‍ നടത്തിയ ആക്രമണത്തില്‍ ഒരാള്‍ കൊല്ലപ്പെടുകയും 35 പേര്‍ക്ക് പരിക്കേല്‍ക്കുകയും ചെയ്തതായി ഹൂത്തി നിയന്ത്രണത്തിലുള്ള മാധ്യമങ്ങള്‍ റിപ്പോര്‍ട്ട് ചെയ്തു.

ഹൊദൈദയിലും പരിസര പ്രദേശങ്ങളിലുമുള്ള ഹൂത്തി തീവ്രവാദ കേന്ദ്രങ്ങള്‍ എന്ന് വിളിക്കപ്പെടുന്ന സ്ഥലങ്ങള്‍ ആക്രമിച്ചതായി ഇസ്രായേല്‍ സൈന്യം പ്രസ്താവനയില്‍ പറഞ്ഞു.

വാഷിംഗ്ടണുമായി ഏകോപിപ്പിച്ചാണ് ഇസ്രായേല്‍ ആക്രമണം നടത്തിയതെന്ന് യുഎസ് മുതിര്‍ന്ന ഉദ്യോഗസ്ഥന്‍ സ്ഥിരീകരിച്ചതായി വാര്‍ത്താ ഏജന്‍സി റോയിട്ടേഴ്സ് പറഞ്ഞു.