നീര്‍വീക്കം, മൂത്രത്തിന് കടുത്ത നിറം; കരള്‍ വീക്കത്തിന്റെ ലക്ഷണങ്ങള്‍

കരള്‍ വീക്കത്തിന്റെ (ഹെപ്പറ്റൈറ്റിസ്) ലക്ഷണങ്ങള്‍ പലപ്പോഴും അവ്യക്തമായിരിക്കും.  

ലക്ഷണങ്ങള്‍ 

ചര്‍മ്മവും കണ്ണുകളും മഞ്ഞ നിറമാവുക (മഞ്ഞപ്പിത്തം), വയറുവേദനയും വീക്കവും, കാലുകളിലും കണങ്കാലുകളിലും നീര്‍വീക്കം, ചൊറിച്ചില്‍, മൂത്രത്തിന് കടുത്ത നിറം, മലത്തിന് ഇളം നിറം അല്ലെങ്കില്‍ രക്തം കലര്‍ന്ന മലം, ക്ഷീണം, ഓക്കാനം അല്ലെങ്കില്‍ ഛര്‍ദ്ദി, വിശപ്പ് കുറയുക, എളുപ്പത്തില്‍ മുറിവേല്‍ക്കുക എന്നിവയെല്ലാം കരള്‍ വീക്കത്തിന്റെ ലക്ഷണങ്ങളാകാം. 

കരള്‍ വീക്കം പല കാരണങ്ങള്‍ കൊണ്ടുണ്ടാകാം. വൈറല്‍ അണുബാധകള്‍ (ഹെപ്പറ്റൈറ്റിസ് എ, ബി, സി), അമിത മദ്യപാനം, അമിതവണ്ണം, ചില മരുന്നുകള്‍, ഓട്ടോ ഇമ്യൂണ്‍ രോഗങ്ങള്‍ എന്നിവയെല്ലാം കരള്‍ വീക്കത്തിന് കാരണമാകാറുണ്ട്.