ഹൃദയാരോഗ്യത്തിന് തേങ്ങാപ്പാല്‍

മുടിയുടെ വളര്‍ച്ചയെ പ്രോത്സാഹിപ്പിക്കാനും മുടിക്ക് ബലവും തിളക്കവും നല്‍കാനും തേങ്ങാപ്പാല്‍ സഹായിക്കുന്നു. വരണ്ട മുടിയുള്ളവര്‍ക്ക് ഇത് വളരെ നല്ലതാണ്. തേങ്ങാപ്പാലില്‍ അടങ്ങിയിട്ടുള്ള മീഡിയം ചെയിന്‍ ഫാറ്റി ആസിഡുകള്‍ ശരീരഭാരം കുറയ്ക്കാന്‍ സഹായിക്കുന്നു.

തേങ്ങാപ്പാല്‍ എളുപ്പത്തില്‍ ദഹിക്കുന്നതിനാല്‍ ദഹനസംബന്ധമായ പ്രശ്‌നങ്ങളുള്ളവര്‍ക്ക് ഇത് ഉത്തമമാണ്. തേങ്ങാപ്പാലില്‍ അടങ്ങിയിട്ടുള്ള ഫാറ്റി ആസിഡുകള്‍ ഹൃദയാരോഗ്യം സംരക്ഷിക്കാന്‍ സഹായിക്കുന്നു. ചീത്ത കൊളസ്‌ട്രോള്‍ കുറയ്ക്കുകയും നല്ല കൊളസ്‌ട്രോള്‍ കൂട്ടുകയും ചെയ്യുന്നു.

തേങ്ങാപ്പാലില്‍ ആന്റി ബാക്ടീരിയല്‍, ആന്റി വൈറല്‍ ഗുണങ്ങളുണ്ട്. ഇത് രോഗപ്രതിരോധ ശേഷി വര്‍ദ്ധിപ്പിക്കാനും അണുബാധകളെ തടയാനും സഹായിക്കുന്നു. പേശീ വേദന, സന്ധി വേദന എന്നിവ കുറയ്ക്കാന്‍ തേങ്ങാപ്പാല്‍ സഹായിക്കും.