രക്തത്തിലെ പഞ്ചസാരയുടെ അളവ് നിയന്ത്രിക്കാന്‍ നിലക്കടല

നിലക്കടല കഴിക്കുന്നത് ശരീരഭാരം കുറയ്ക്കാന്‍ സഹായിക്കുമെങ്കിലും, ഇതില്‍ കലോറി കൂടുതലായതിനാല്‍ അളവില്‍ കൂടുതല്‍ കഴിച്ചാല്‍ ശരീരഭാരം കൂടാനും ദഹനപ്രശ്‌നങ്ങള്‍ ഉണ്ടാകാനും സാധ്യതയുണ്ട്. 

നിലക്കടലയില്‍ അടങ്ങിയിട്ടുള്ള ആരോഗ്യകരമായ കൊഴുപ്പുകളും  പ്രോട്ടീനും വിശപ്പ് നിയന്ത്രിക്കാനും മൊത്തത്തിലുള്ള കലോറി ഉപഭോഗം കുറയ്ക്കാനും സഹായിക്കുന്നു. ഹൃദയത്തിന് ഗുണകരമായ കൊഴുപ്പുകളും മറ്റ് ഘടകങ്ങളും ഹൃദ്രോഗ സാധ്യത കുറയ്ക്കുന്നു. 

കുറഞ്ഞ ഗ്ലൈസെമിക് ഇന്‍ഡെക്‌സ് ഉള്ളതിനാല്‍ നിലക്കടല രക്തത്തിലെ പഞ്ചസാരയുടെ അളവ് നിയന്ത്രിക്കാന്‍ സഹായിക്കും. ഫൈബര്‍ അടങ്ങിയതിനാല്‍ ദഹനം മെച്ചപ്പെടുത്താനും മലബന്ധം ഒഴിവാക്കാനും സഹായിക്കും. 

ധാരാളം വിറ്റാമിനുകള്‍ (നിയാസിന്‍, വിറ്റാമിന്‍ ഇ, ഫോളേറ്റ്), ധാതുക്കള്‍ (മാംഗനീസ്, ഫോസ്ഫറസ്, മഗ്‌നീഷ്യം), ആന്റി ഓക്‌സിഡന്റുകള്‍ എന്നിവയും നിലക്കടലയില്‍ അടങ്ങിയിട്ടുണ്ട്.