മുടിയുടെ അറ്റം പിളരുന്നതാണോ പ്രശ്‌നം..?

മുടി അറ്റം പിളരുന്നത് തടയാന്‍ ടവ്വല്‍ ഉപയോഗിച്ച് മുടി ഉരസുന്നത് ഒഴിവാക്കുക. പകരം, മുടിയിലെ വെള്ളം തോര്‍ത്തുപയോഗിച്ച് അമര്‍ത്തി എടുക്കുക. 

ഹെയര്‍ ഡ്രയര്‍, സ്‌ട്രെയ്റ്റ്ണര്‍ തുടങ്ങിയ ചൂടുള്ള ടൂളുകള്‍ ഉപയോഗിക്കുന്നത് കുറയ്ക്കുക. ഇവ മുടിയുടെ സംരക്ഷക പാളിയെ നശിപ്പിക്കുന്നു. ഷിയ ബട്ടര്‍, ഒലിവ് ഓയില്‍ എന്നിവ അടങ്ങിയ കണ്ടീഷണറുകള്‍ മുടിക്ക് ഈര്‍പ്പം നല്‍കാനും അറ്റം പിളരുന്നത് തടയാനും സഹായിക്കും.
 
കോട്ടണ്‍ തലയണയുറകള്‍ക്ക് പകരം സില്‍ക്ക് അല്ലെങ്കില്‍ സാറ്റിന്‍ തലയണയുറകള്‍ ഉപയോഗിക്കുന്നത് ഘര്‍ഷണം കുറച്ച് മുടിക്ക് സംരക്ഷണം നല്‍കും. കൃത്യമായി മുടി വെട്ടുന്നത് പിളര്‍ന്ന അറ്റങ്ങള്‍ നീക്കം ചെയ്യാനും മുടിയുടെ ആരോഗ്യം നിലനിര്‍ത്താനും സഹായിക്കും. സമീകൃതാഹാരം കഴിക്കുന്നതും ശരീരത്തിന് ആവശ്യമായ എല്ലാ പോഷകങ്ങളും ലഭിക്കുന്നതും മുടിയുടെ ആരോഗ്യത്തിന് പ്രധാനമാണ്.