അല്‍ഷിമേഴ്സ് പോലുള്ള രോഗങ്ങളെ പ്രതിരോധിക്കാന്‍ ഉഴുന്ന്

ഉഴുന്നിന് ധാരാളം ആരോഗ്യ ഗുണങ്ങളുണ്ട്. ഇത് പ്രോട്ടീന്‍, ധാതുക്കള്‍, വിറ്റാമിനുകള്‍ എന്നിവയാല്‍ സമ്പുഷ്ടമാണ്. ഉഴുന്ന് പ്രോട്ടീന്‍, ഇരുമ്പ്, കാത്സ്യം, മഗ്നീഷ്യം, പൊട്ടാസ്യം, വിറ്റാമിന്‍ ബി എന്നിവയുടെ മികച്ച ഉറവിടമാണ്. ഇതിലടങ്ങിയിരിക്കുന്ന ധാരാളം നാരുകള്‍ മലബന്ധം തടയാനും ദഹനസംവിധാനം മെച്ചപ്പെടുത്താനും സഹായിക്കുന്നു.

ഉഴുന്നില്‍ എല്ലുകളുടെയും പല്ലുകളുടെയും ആരോഗ്യത്തിന് ആവശ്യമായ കാത്സ്യം, ഫോസ്ഫറസ്, മഗ്നീഷ്യം എന്നിവ അടങ്ങിയിട്ടുണ്ട്. ഇത് പേശികളുടെ വളര്‍ച്ചയ്ക്കും ബലത്തിനും സഹായിക്കുന്നു.

ഇരുമ്പിന്റെ സാന്നിധ്യം കാരണം രക്തയോട്ടം വര്‍ദ്ധിപ്പിച്ച് ക്ഷീണം അകറ്റാനും ഊര്‍ജ്ജം നല്‍കാനും സഹായിക്കുന്നു. ഇതിലടങ്ങിയിരിക്കുന്ന ഷോര്‍ട്ട് ചെയിന്‍ ഫാറ്റി ആസിഡുകളും എസന്‍ഷ്യല്‍ ഫാറ്റി ആസിഡുകളും ഓര്‍മ്മശക്തി നിലനിര്‍ത്താനും അല്‍ഷിമേഴ്സ് പോലുള്ള രോഗങ്ങളെ പ്രതിരോധിക്കാനും സഹായിക്കും.

ചില പുരുഷ ലൈംഗിക പ്രശ്‌നങ്ങള്‍ക്ക് പരിഹാരമായി ഇത് ഉപയോഗിക്കാം. ചര്‍മ്മത്തിന്റെ ആരോഗ്യത്തിനും താരന്‍ അകറ്റാനും മുടിയുടെ വളര്‍ച്ചയ്ക്കും ഇത് ഉപയോഗിക്കാം. ആന്റിഓക്സിഡന്റുകള്‍ അടങ്ങിയതിനാല്‍ പ്രതിരോധ സംവിധാനത്തെ ശക്തിപ്പെടുത്താന്‍ സഹായിക്കുന്നു.