എല്ലുകളുടെ ആരോഗ്യത്തിന് കോളിഫ്‌ളവര്‍

കോളിഫ്‌ളവറിന് നിരവധി ആരോഗ്യ ഗുണങ്ങളുണ്ട്. ഇത് വിറ്റാമിനുകള്‍, ധാതുക്കള്‍, നാരുകള്‍, ആന്റിഓക്സിഡന്റുകള്‍ എന്നിവയാല്‍ സമ്പന്നമാണ്. കോളിഫ്‌ളവര്‍ ഹൃദയാരോഗ്യം മെച്ചപ്പെടുത്തുന്നു, കൊളസ്‌ട്രോള്‍ കുറയ്ക്കുന്നു, ദഹനത്തെ സഹായിക്കുന്നു, പ്രതിരോധശേഷി വര്‍ദ്ധിപ്പിക്കുന്നു, ശരീരഭാരം നിയന്ത്രിക്കാന്‍ സഹായിക്കുന്നു, എല്ലുകളുടെ ആരോഗ്യം വര്‍ദ്ധിപ്പിക്കുന്നു, രക്തത്തിലെ പഞ്ചസാരയുടെ അളവിനെ നിയന്ത്രിക്കാന്‍ സഹായിക്കുന്നു. 

കോളിഫ്‌ളവറിലെ നാരുകള്‍ ചീത്ത കൊളസ്‌ട്രോള്‍ (എല്‍ഡിഎല്‍) കുറയ്ക്കാന്‍ സഹായിക്കുന്നു, അതേസമയം പൊട്ടാസ്യം രക്തസമ്മര്‍ദ്ദം നിയന്ത്രിക്കുന്നു. ഇതിലടങ്ങിയ ആന്റിഓക്സിഡന്റുകള്‍ രക്തക്കുഴലുകളിലെ വീക്കം കുറയ്ക്കുകയും ഹൃദ്രോഗ സാധ്യത കുറയ്ക്കുകയും ചെയ്യും. 

ധാരാളം നാരുകള്‍ അടങ്ങിയ കോളിഫ്‌ലവര്‍ മലബന്ധം തടയുകയും കുടല്‍ ബാക്ടീരിയകളെ പിന്തുണയ്ക്കുകയും ചെയ്യുന്നതു വഴി ദഹനത്തെ സഹായിക്കുന്നു. കലോറി കുറഞ്ഞതും നാരുകള്‍ നിറഞ്ഞതുമായ കോളിഫ്‌ലവര്‍ ശരീരഭാരം കുറയ്ക്കാന്‍ സഹായിക്കും. ഇത് ദഹനം മെച്ചപ്പെടുത്തുകയും കൂടുതല്‍ നേരം വയറു നിറഞ്ഞ പ്രതീതി നല്‍കുകയും ചെയ്യുന്നു. 

വിറ്റാമിന്‍ സിയും മറ്റ് ആന്റിഓക്സിഡന്റുകളും അടങ്ങിയ കോളിഫ്‌ലവര്‍ രോഗപ്രതിരോധ ശേഷി വര്‍ദ്ധിപ്പിക്കാന്‍ സഹായിക്കും. വിറ്റാമിന്‍ സി കൊളാജന്‍ ഉത്പാദനത്തിന് സഹായിക്കുകയും വിറ്റാമിന്‍ കെ ഓസ്റ്റിയോപൊറോസിസ് പോലുള്ള അസ്ഥി പ്രശ്‌നങ്ങളുടെ അപകടസാധ്യത കുറയ്ക്കുകയും ചെയ്യുന്നു. 

കോളിഫ്‌ലവറിലെ കുറഞ്ഞ കാര്‍ബോഹൈഡ്രേറ്റ്, ഉയര്‍ന്ന ഫൈബര്‍ എന്നിവ രക്തത്തിലെ പഞ്ചസാരയുടെ അളവിനെ നിയന്ത്രിക്കാന്‍ സഹായിക്കുന്നു, ഇത് പ്രമേഹ രോഗികള്‍ക്ക് ഉത്തമമാണ്.