വാര്‍ദ്ധക്യം തടയാന്‍ കശുമാങ്ങ ജ്യൂസ്

വിറ്റാമിന്‍ സിയും ഫൈറ്റോകെമിക്കലുകളും അടങ്ങിയ കശുമാങ്ങ ജ്യൂസ്  ശരീരത്തിലെ ഓക്‌സിഡേറ്റീവ് സമ്മര്‍ദ്ദം കുറയ്ക്കുന്നു. ഇത് കോശങ്ങളെ കേടുപാടുകളില്‍ നിന്ന് സംരക്ഷിക്കുകയും വാര്‍ദ്ധക്യം തടയുകയും ചെയ്യുന്നു. 

കശുമാങ്ങയില്‍ അടങ്ങിയ വിറ്റാമിന്‍ സി, സിങ്ക് തുടങ്ങിയവ രോഗപ്രതിരോധ ശേഷി ശക്തിപ്പെടുത്താന്‍ സഹായിക്കുന്നു. ഇത് ബാക്ടീരിയല്‍ രോഗങ്ങളെ ചെറുക്കാന്‍ സഹായിക്കും. കശുമാങ്ങയില്‍ അടങ്ങിയ മഗ്‌നീഷ്യം രക്തസമ്മര്‍ദ്ദം നിയന്ത്രിക്കാനും ഹൃദയാരോഗ്യം നിലനിര്‍ത്താനും സഹായിക്കും.

കശുമാങ്ങയില്‍ അടങ്ങിയ വിറ്റാമിനുകളും ആന്റിഓക്സിഡന്റുകളും ചര്‍മ്മത്തിന്റെ ആരോഗ്യത്തിന് ഗുണകരമാണ്. മഗ്നീഷ്യം അടങ്ങിയിട്ടുള്ളതിനാല്‍ എല്ലുകളുടെയും പേശികളുടെയും ബലത്തിന് ഇത് സഹായിക്കും.