രക്തസമ്മര്‍ദ്ദം നിയന്ത്രിക്കാന്‍ ചേമ്പിന്‍തണ്ട്

ചേമ്പിന്‍ തണ്ടിന് പല ആരോഗ്യ ഗുണങ്ങളുണ്ട്. ഇത് ദഹനത്തെ മെച്ചപ്പെടുത്താനും, രക്തസമ്മര്‍ദ്ദം നിയന്ത്രിക്കാനും, കൊളസ്ട്രോള്‍ കുറയ്ക്കാനും സഹായിക്കുന്നു. ചേമ്പില്‍ നാരുകള്‍ ധാരാളമുള്ളതിനാല്‍ ദഹനം സുഗമമാക്കുകയും വയറുവേദന, അതിസാരം തുടങ്ങിയ പ്രശ്‌നങ്ങള്‍ക്ക് പരിഹാരമാകുകയും ചെയ്യും.

ഉയര്‍ന്ന പൊട്ടാസ്യം, നാരുകള്‍ എന്നിവ അടങ്ങിയ ചേമ്പ് രക്തസമ്മര്‍ദ്ദം നിയന്ത്രിക്കാന്‍ സഹായിക്കുകയും ഹൃദയപേശികളെ സംരക്ഷിക്കുകയും ചെയ്യുന്നു. ചേമ്പിലെ പ്രതിരോധശേഷിയുള്ള അന്നജം ശരീരത്തിലെ കൊളസ്ട്രോളിന്റെ അളവ് കുറയ്ക്കാന്‍ സഹായിക്കുന്നു.

ചേമ്പില്‍ ധാരാളം കാര്‍ബോഹൈഡ്രേറ്റും കലോറിയും അടങ്ങിയിട്ടുണ്ട്. ഇത് ശരീരഭാരം കൂട്ടാന്‍ സഹായിക്കും. വിറ്റാമിന്‍ എ, സി, ഇ എന്നിവ അടങ്ങിയ ചേമ്പ് ചര്‍മ്മത്തിന്റെ ആരോഗ്യത്തിനും മുടിയുടെ വളര്‍ച്ചയ്ക്കും ഉത്തമമാണ്. താരനും മുടികൊഴിച്ചിലിനും ഇത് പരിഹാരമാണ്.

ചേമ്പില്‍ വിറ്റാമിന്‍ എ, സി, ബി6, പൊട്ടാസ്യം, മഗ്നീഷ്യം, ഇരുമ്പ് തുടങ്ങിയ പോഷകങ്ങള്‍ അടങ്ങിയിരിക്കുന്നു. വിറ്റാമിന്‍ എ, സി, ധാതുക്കള്‍ എന്നിവ അടങ്ങിയ ചേമ്പ് പ്രതിരോധശേഷി വര്‍ദ്ധിപ്പിക്കാനും അകാല വാര്‍ദ്ധക്യത്തെ ചെറുക്കാനും സഹായിക്കും.