ഹൃദയാരോഗ്യത്തിന് ചക്കപ്പഴം

ചക്കപ്പഴം രോഗപ്രതിരോധം വര്‍ദ്ധിപ്പിക്കാനും ഹൃദയാരോഗ്യം മെച്ചപ്പെടുത്താനും സഹായിക്കുന്ന ഒരു മികച്ച പോഷക സ്രോതസ്സാണ്. ചക്കയില്‍ അടങ്ങിയിരിക്കുന്ന വിറ്റാമിന്‍ എ, സി, കൂടാതെ ആന്റിഓക്‌സിഡന്റുകള്‍ എന്നിവ ശരീരത്തിന്റെ പ്രതിരോധശേഷി വര്‍ദ്ധിപ്പിക്കാന്‍ സഹായിക്കുന്നു. 

പൊട്ടാസ്യം, നാരുകള്‍, ആന്റിഓക്‌സിഡന്റുകള്‍ എന്നിവ അടങ്ങിയിരിക്കുന്നതിനാല്‍ രക്തസമ്മര്‍ദ്ദം നിയന്ത്രിക്കാനും ഹൃദ്രോഗ സാധ്യത കുറയ്ക്കാനും ചക്ക സഹായിക്കുന്നു. ചക്കയിലുള്ള നാരുകള്‍ ദഹനപ്രക്രിയയെ ത്വരിതപ്പെടുത്തുകയും മലബന്ധം പോലുള്ള പ്രശ്‌നങ്ങള്‍ ഒഴിവാക്കുകയും ചെയ്യുന്നു. 

വിറ്റാമിന്‍ എ, കരോട്ടിനോയിഡുകള്‍, ആന്റിഓക്‌സിഡന്റുകള്‍ എന്നിവ കണ്ണിന്റെ ആരോഗ്യത്തിനും കാഴ്ചശക്തി മെച്ചപ്പെടുത്തുന്നതിനും സഹായിക്കുന്നു. കൂടാതെ, ത്വക്കിനെ ആരോഗ്യകരമായി നിലനിര്‍ത്താനും ഇത് ഉപകരിക്കുന്നു. ചക്ക ശരീരത്തിന് ആവശ്യമായ ഊര്‍ജ്ജം നല്‍കുകയും ക്ഷീണം കുറയ്ക്കുകയും ചെയ്യുന്നു.