മുണ്ടിനീര് ഒരു വൈറല്‍ രോഗം

ഒരു വ്യക്തിയില്‍ നിന്ന് മറ്റൊരാളിലേക്ക് പകരാവുന്ന രോഗമാണ് മുണ്ടിനീര്. ഇത് പ്രധാനമായും ഉമിനീര്‍ ഗ്രന്ഥികളെ ബാധിക്കുന്ന ഒരു വൈറല്‍ രോഗമാണ്. 

മുണ്ടിനീര് വളരെ വേഗത്തില്‍ പകരുന്ന ഒരു രോഗമാണ്. രോഗബാധയുള്ള വ്യക്തിയുടെ ഉമിനീര്‍, മൂക്കിലെയും തൊണ്ടയിലെയും സ്രവങ്ങള്‍ എന്നിവയിലൂടെ രോഗം എളുപ്പത്തില്‍ വ്യാപിക്കും. 

രോഗം ബാധിച്ച വ്യക്തി ചുമയ്ക്കുമ്പോഴോ തുമ്മുമ്പോഴോ സംസാരിക്കുമ്പോഴോ വൈറസുകള്‍ വായുവിലൂടെ മറ്റൊരാളിലേക്ക് എത്തും. പനി, തലവേദന, പേശീ വേദന, ഉമിനീര്‍ ഗ്രന്ഥികള്‍ വീങ്ങുക എന്നിവയാണ് പ്രധാന ലക്ഷണങ്ങള്‍. 

മുണ്ടിനീരിന് പ്രത്യേക ചികിത്സയില്ല. രോഗലക്ഷണങ്ങള്‍ കുറക്കുന്നതിനും വേദന സംഹാരികള്‍ ഉപയോഗിക്കുന്നതിനും ഡോക്ടറെ സമീപിക്കണം.