Advertisment

വധഭീഷണിയെക്കുറിച്ച് പോലീസില്‍ പരാതി നല്‍കിയതിന്റെ വൈരാഗ്യം; നവവരന്‍ വീടും വാഹനങ്ങളും കത്തിച്ചെന്ന് പരാതി

ഇന്നലെ പുലര്‍ച്ചെ ഒന്നിന് മലപ്പുറം പാറപ്പുറം മാങ്ങാട്ടൂരില്‍ ഹരിത എന്ന യുവതിയുടെ വീട്ടിലാണ് സംഭവം.

New Update
24242

മലപ്പുറം: വധഭീഷണിയെക്കുറിച്ച് പോലീസില്‍ പരാതി നല്‍കിയതിന്റെ വൈരാഗ്യത്തില്‍ നവവരന്‍ വീടും വാഹനങ്ങളും കത്തിച്ചെന്ന് പരാതി. വീട് ഭാഗീകമായും മുന്നില്‍ നിര്‍ത്തിയിട്ടിരുന്ന മൂന്നു ബൈക്കുകളും കത്തി നശിച്ചു. 

Advertisment

ഇന്നലെ പുലര്‍ച്ചെ ഒന്നിന് മലപ്പുറം പാറപ്പുറം മാങ്ങാട്ടൂരില്‍ ഹരിത എന്ന യുവതിയുടെ വീട്ടിലാണ് സംഭവം. ഭര്‍ത്താവ് വിനീഷാണ് തീയിട്ടതെന്ന് ഹരിത പൊന്നാനി പോലീസില്‍ പരാതി നല്‍കി. 
നാട്ടുകാരും അഗ്നിരക്ഷാ സേനയുമെത്തിയാണ് തീയണച്ചത്. 

ഒമ്പത് മാസം മുമ്പാണ് വടക്കേക്കാട് സ്വദേശിയായ വിനീഷും കാലടി സ്വദേശിയായ ഹരിതയും വിവാഹിതരായത്. അഭിപ്രായ വ്യത്യാസങ്ങളെത്തുടര്‍ന്ന് ഇരുവരും അകന്നാണ് കഴിയുന്നത്. വിനീഷിനെതിരെ ഹരിത ഗാഹിക പീഡനപരാതിയും നല്‍കിയിരുന്നു. വിനീഷിനോട് പൊന്നാനി സ്റ്റേഷനില്‍ ഹാജരാകാന്‍ പോലീസ് ആവശ്യപ്പെട്ടിരുന്നു.

വടിവാളുമായി എത്തി പുറത്തേക്ക് ഇറങ്ങി ചെന്നില്ലെങ്കില്‍ അമ്മാവനെ അടക്കം വെട്ടിക്കൊല്ലുമെന്ന യുവാവിന്റെ ഭീഷണിക്ക് പിന്നാലെയായിരുന്നു യുവതി പോലീസില്‍ പരാതി നല്‍കിയത്. 
ഇതിന് പിന്നാലെ യുവാവ് വീണ്ടുമെത്തി വീടും വാഹനങ്ങളും കത്തിക്കുകയായിരുന്നു.

 

Advertisment