കരുനാഗപ്പള്ളിയിലുണ്ടായത് പ്രാദേശികമായ പ്രശ്നങ്ങള്‍,  വിഭാഗീയതയല്ല: എം.വി. ഗോവിന്ദന്‍

തിരുവനന്തപുരം: തെറ്റായ ഒരു പ്രവണതയേയും പാര്‍ട്ടി വച്ചുപൊറുപ്പിക്കില്ലെന്നും കരുനാഗപ്പള്ളിയിലുണ്ടായത് പ്രാദേശികമായ പ്രശ്നങ്ങളാണെന്നും സി.പി.എം. സംസ്ഥാന സെക്രട്ടറി എം.വി.
ഗോവിന്ദന്‍. 

കരുനാഗപ്പള്ളിയിലുണ്ടായത് പ്രാദേശികമായ പ്രശ്നങ്ങളാണ്. വിഭാഗീയതയല്ല. പാര്‍ട്ടി അപമാനകരമായ നിലപാട് സ്വീകരിച്ചെന്ന് വരുത്താന്‍ മാധ്യമങ്ങള്‍ ശ്രമിക്കുകയാണ്. അതിനായി വലിയ പ്രചാരമാണ് മാധ്യമങ്ങള്‍ നടത്തുന്നത്. 

ആയിരക്കണക്കിന് ബ്രാഞ്ച്-ഏരിയാ സമ്മേളനങ്ങള്‍ നടന്നു. അവിടെയൊന്നും പ്രശ്നങ്ങളുണ്ടായിട്ടില്ല. അതുകൊണ്ടുതന്നെ കരുനാഗപ്പള്ളിയിലേത് ഒറ്റപ്പെട്ട സംഭവമാണ്. സമ്മേളനങ്ങളെല്ലാം നടക്കുന്നത് ആരോഗ്യകരമായ രീതിയിലാണെന്നും അദ്ദേഹം പറഞ്ഞു.