തൃശൂര്‍ മലക്കപ്പാറയില്‍ വീടിന് മുകളിലേക്ക് മണ്ണിടിഞ്ഞ് അമ്മയും മകളും മരിച്ചു; മൃതദേഹങ്ങള്‍ കെട്ടിപിടിച്ച് കിടക്കുന്ന നിലയില്‍

തൃശൂര്‍: മലക്കപ്പാറ ഷോളയാര്‍ ഡാമിന് സമീപം ചെക്ക്പോസ്റ്റിനടുത്ത് തമിഴ്നാട് അതിര്‍ത്തിയായ മുക്ക് റോഡില്‍ വീടിന് മുകളില്‍ മണ്ണിടിഞ്ഞ് വീണ് അമ്മയും മകളും മരിച്ചു. 

അറുമുഖന്റെ ഭാര്യ രാജേശ്വരി (45), മകള്‍ ജ്ഞാനപ്രിയ (15) എന്നിവരാണ് മരിച്ചത്. കെട്ടിപിടിച്ച് കിടക്കുന്ന നിലയിലായിരുന്നു ഇരുവരുടെയും മൃതദേഹങ്ങള്‍. 

ചൊവ്വാഴ്ച രാവിലെയാണ് സംഭവം. രാജേശ്വരിയുടെ കൈ മണ്ണിന് മുകളിലേക്ക് ഉയര്‍ന്ന് നില്‍ക്കുന്നത് കണ്ടാണ് നാട്ടുകാര്‍ ഓടിയെത്തിയത്. മണ്ണ് നീക്കി മൃതദേഹങ്ങള്‍ പുറത്തെടുത്തു.