ഹൃദയധമനികളിലെ കൊഴുപ്പ് നീക്കാന്‍ കൂണ്‍

കൂണില്‍ അടങ്ങിയ ആന്റിഓക്‌സിഡന്റുകള്‍ ശരീരത്തിലെ കോശങ്ങള്‍ക്ക് സംരക്ഷണം നല്‍കുകയും രോഗങ്ങളെ ചെറുക്കാന്‍ സഹായിക്കുകയും ചെയ്യുന്നു. സൂര്യപ്രകാശത്തില്‍ വളരുന്ന കൂണുകള്‍ക്ക് വിറ്റാമിന്‍ ഡിയുടെ നല്ല ഉറവിടമാകാന്‍ കഴിയും, ഇത് എല്ലുകളുടെയും പേശികളുടെയും ആരോഗ്യത്തിന് പ്രധാനമാണ്. 

കൂണില്‍ അടങ്ങിയിരിക്കുന്ന നാരുകള്‍ രക്തത്തിലെ പഞ്ചസാരയുടെ അളവ് നിയന്ത്രിക്കാന്‍ സഹായിക്കും. ബീറ്റാ ഗ്ലൂക്കന്‍സും ലിനോലെയിക് ആസിഡും ഉള്ളതിനാല്‍, അര്‍ബുദ സാധ്യതയെ തടയുന്നതിന് കൂണ്‍ സഹായിക്കുമെന്ന് പഠനങ്ങള്‍ പറയുന്നു. 

നാരുകളും പൊട്ടാസ്യവും അടങ്ങിയ കൂണ്‍ ഹൃദയധമനികളിലെ കൊഴുപ്പ് നീക്കാനും രക്തസമ്മര്‍ദ്ദം നിയന്ത്രിക്കാനും സഹായിക്കുന്നു. നാരുകളാല്‍ സമ്പുഷ്ടമായ കൂണ്‍ ദഹനം മെച്ചപ്പെടുത്തുകയും ഉപാപചയം നിയന്ത്രിക്കുകയും ചെയ്യുന്നതിലൂടെ ശരീരഭാരം കുറയ്ക്കാന്‍ സഹായിക്കുന്നു.