വൃക്ക സംബന്ധമായ പ്രശ്‌നങ്ങള്‍ക്ക് തഴുതാമ

തഴുതാമ ഇട്ട് തിളപ്പിച്ച വെള്ളം വൃക്കയുടെ ആരോഗ്യത്തിന് നല്ലതാണ്. ഇത് മൂത്രതടസ്സവും വൃക്കയിലെ കല്ലുകളും ശമിപ്പിക്കാന്‍ സഹായിക്കും. രക്തസമ്മര്‍ദ്ദം സാധാരണ നിലയിലാക്കാന്‍ തഴുതാമ വെള്ളം നല്ലതാണ്. 

ശരീരത്തിലെ അധിക ദ്രാവകങ്ങളെ പുറന്തള്ളി നീര്‍വീക്കം കുറയ്ക്കാന്‍ ഈ വെള്ളം സഹായിക്കും. പ്രാണികള്‍ കടിച്ചുണ്ടാകുന്ന വിഷാംശം കുറയ്ക്കാനും ശരീരത്തിലെ വിഷാംശം പുറന്തള്ളാനും തഴുതാമ സഹായിക്കും. 

വായ്പുണ്ണ്, അര്‍ശസ്സ് തുടങ്ങിയ പ്രശ്‌നങ്ങള്‍ക്ക് തഴുതാമ വെള്ളം കുടിക്കുന്നത് നല്ലതാണെന്ന് പറയപ്പെടുന്നു. നല്ല വിശപ്പ് നല്‍കാനും ദഹനവ്യവസ്ഥയെ മെച്ചപ്പെടുത്താനും തഴുതാമ സഹായിക്കും. ഏത് തഴുതാമയുടെ ഭാഗമാണോ ഉപയോഗിക്കുന്നത് അത് നന്നായി കഴുകുക. ഇലകളും തണ്ടുകളും ചെറുതായി നുറുക്കി വെള്ളത്തില്‍ ഇട്ട് തിളപ്പിക്കുക. ഇത് ഉപയോഗിക്കുന്നതിന് മുമ്പ് ഒരു ആയുര്‍വേദ ഡോക്ടറുടെയോ വൈദ്യന്റെയോ ഉപദേശം തേടണം.