നടിയെ ആക്രമിച്ച കേസ്: പ്രതി ദിലീപിന്റെ ജാമ്യം  റദ്ദാക്കണമെന്ന ക്രൈംബ്രാഞ്ച് നല്‍കിയ അപ്പീല്‍ ഇന്ന് പരിഗണിക്കും

കൊച്ചി: നടിയെ ആക്രമിച്ച കേസില്‍ പ്രതി ദിലീപിന്റെ ജാമ്യം റദ്ദാക്കണമെന്ന അപ്പീല്‍ ഇന്ന് പരിഗണിക്കും. ക്രൈംബ്രാഞ്ച് നല്‍കിയ അപ്പീലില്‍ ഹൈക്കോടതി ഇന്ന് അന്തിമവാദം കേള്‍ക്കും. ദിലീപ് സാക്ഷികളെ സ്വാധീനിച്ചെന്നും ജാമ്യവ്യവസ്ഥകള്‍ ലംഘിച്ചെന്നുമാണ് ക്രൈംബ്രാഞ്ച് വാദം.

പ്രോസിക്യൂഷന്‍ ഹാജരാക്കിയ തെളിവുകള്‍ക്ക് ആധികാരികതയില്ല എന്നായിരുന്നു വിചാരണക്കോടതിയുടെ വിധി. വിധിയും ദീലീപിന്റെ  ജാമ്യവും റദ്ദാക്കണമെന്ന് ആവശ്യപ്പെട്ടാണ് സര്‍ക്കാര്‍  അപ്പീല്‍ നല്‍കിയത്. 

തെളിവുകള്‍ പരിശോധിക്കാതെയാണ് ക്രൈംബ്രാഞ്ചിന്റെ അപേക്ഷയില്‍ വിചാരണക്കോടതി തീരുമാനമെടുത്തത്. ശബ്ദസന്ദേശങ്ങള്‍ കോടതി പരിഗണിച്ചില്ല. ഹര്‍ജി തള്ളിയ എറണാകുളം പ്രിന്‍സിപ്പല്‍ സെഷന്‍സ് കോടതി വിധി നിയമ വിരുദ്ധമാണ് എന്നുമാണ് സര്‍ക്കാരിന്റെ നിലപാട്.