കടയില്‍ സാധനം വാങ്ങാനെത്തിയ 14കാരനു നേരെ  ലൈംഗികാതിക്രമം; മധ്യവയസ്‌കന്‍ അറസ്റ്റില്‍

ഹരിപ്പാട്: കടയില്‍ സാധനം വാങ്ങാനെത്തിയ 14കാരനു നേരെ ലൈംഗികാതിക്രമം നടത്തിയ മധ്യവയസ്‌കന്‍ അറസ്റ്റില്‍. മുതുകുളം പുത്തന്‍കണ്ടത്തില്‍ സുബൈര്‍കുട്ടി(65)യാണ് പിടിയിലായത്. 

ബുധനാഴ്ച വൈകുന്നേരം മുട്ടം പെട്രോള്‍ പമ്പിന് സമീപത്തുള്ള ബേക്കറിയില്‍നിന്ന് സാധനം വാങ്ങാനെത്തിയ കുട്ടിയെ പ്രതി പീഡിപ്പിക്കുകയായിരുന്നു. സാധനം വാങ്ങി വീട്ടിലെത്തിയ കുട്ടി അസ്വസ്ഥത പ്രകടിപ്പിച്ചതിനെത്തുടര്‍ന്ന് മാതാപിതാക്കള്‍ കുട്ടിയെ ഹരിപ്പാട് താലൂക്ക് ആശുപത്രിയില്‍ എത്തിച്ചു. 

ആശുപത്രിയില്‍ വിവരം ലഭിച്ചതിനെത്തുടര്‍ന്ന് പോലീസ് കുട്ടിയുടെ മൊഴി രേഖപ്പെടുത്തി. പ്രതിക്കെതിരെ പ്രകൃതിവിരുദ്ധ പീഡനത്തിന് കേസ് എടുത്തു. പ്രതിയെ കോടതിയില്‍ ഹാജരാക്കി റിമാന്‍ഡ് ചെയ്തു.