ഇഞ്ചി അമിതമായി കഴിച്ചാല്‍

അമിതമായി ഉപയോഗിച്ചാല്‍ നെഞ്ചെരിച്ചില്‍, ഗ്യാസ്, വയറുവേദന, മലബന്ധം തുടങ്ങിയ പ്രശ്‌നങ്ങള്‍ക്ക് കാരണമാകും. ഇഞ്ചിക്ക് രക്തം നേര്‍പ്പിക്കുന്ന സ്വഭാവമുണ്ട്. അതിനാല്‍ രക്തം നേര്‍പ്പിക്കുന്ന മരുന്നുകള്‍ കഴിക്കുന്നവര്‍ ഡോക്ടറെ സമീപിച്ചതിന് ശേഷം മാത്രം ഉപയോഗിക്കുക. 

പ്രമേഹ രോഗികളില്‍ രക്തത്തിലെ പഞ്ചസാരയുടെ അളവ് കുറയാന്‍ സാധ്യതയുണ്ട്. പ്രമേഹത്തിന് മരുന്ന് കഴിക്കുന്നവര്‍ ഉപയോഗം നിയന്ത്രിക്കണം. പിത്താശയത്തില്‍ കല്ലുള്ളവരില്‍ ഇത് പ്രതികൂല ഫലങ്ങള്‍ ഉണ്ടാക്കാം. 

ചിലരില്‍ ഇഞ്ചിയുടെ അമിതമായ ഉപയോഗം ചര്‍മ്മത്തില്‍ ചൊറിച്ചില്‍, അലര്‍ജി തുടങ്ങിയ പ്രശ്‌നങ്ങള്‍ക്ക് കാരണമായേക്കാം. രണ്ട് വയസ്സില്‍ താഴെയുള്ള കുട്ടികള്‍ക്ക് ഇഞ്ചി നല്‍കാതിരിക്കുന്നതാണ് നല്ലത്.