ചെവി വേദനയ്ക്ക് ഇതാണ് കാരണം

ചെവി വേദന പല കാരണങ്ങള്‍ കൊണ്ട് ഉണ്ടാകാം.  ചെവി വേദന അവഗണിക്കാതെ വൈദ്യ സഹായം തേടുന്നത് നല്ലതാണ്. മധ്യ ചെവിയിലെ അണുബാധ വളരെ സാധാരണമായ ഒരു കാരണമാണ്. ഇത് ബാക്ടീരിയ അല്ലെങ്കില്‍ വൈറല്‍ അണുബാധകള്‍ മൂലമാകാം. 

ചെവിയില്‍ മെഴുക് അധികമായി അടിഞ്ഞുകൂടുന്നത് കേള്‍വി കുറവിനും ചെവി വേദനയ്ക്കും കാരണമാകും. തൊണ്ടവേദനയുള്ളപ്പോള്‍ വേദന ചെവിയിലേക്ക് വ്യാപിക്കാന്‍ സാധ്യതയുണ്ട്.

സൈനസുകളില്‍ ഉണ്ടാകുന്ന അണുബാധ ചെവി വേദനയ്ക്ക് കാരണമാകാം. താടിയെല്ലിന്റെ തകരാറുകള്‍ ചെവി വേദന ഉണ്ടാക്കാം. നീന്തുകയോ കുളിക്കുകയോ ചെയ്യുമ്പോള്‍ ചെവിയില്‍ വെള്ളം കയറുന്നത് അണുബാധക്ക് കാരണമാകാം. 

ചെവിയില്‍ എന്തെങ്കിലും വസ്തുക്കള്‍ കുടുങ്ങിയാലും വേദന ഉണ്ടാകാം. ചെവിയില്‍ ഉണ്ടാകുന്ന ക്ഷതങ്ങള്‍, മുറിവുകള്‍ എന്നിവയും വേദനയുണ്ടാക്കും. യൂസ്റ്റേഷ്യന്‍ ട്യൂബ് ശരിയായി പ്രവര്‍ത്തിക്കാത്തതുകൊണ്ട് മധ്യ ചെവിയില്‍ സമ്മര്‍ദ്ദമുണ്ടാകുകയും അത് വേദനയ്ക്ക് കാരണമാകുകയും ചെയ്യും.