ഹൃദയാരോഗ്യത്തിന് മുന്തിരി

മുന്തിരിയിലുള്ള ഫ്‌ലേവനോയ്ഡുകളും പൊട്ടാസ്യവും ഹൃദയാരോഗ്യം മെച്ചപ്പെടുത്താനും രക്തസമ്മര്‍ദ്ദം നിയന്ത്രിക്കാനും സഹായിക്കുന്നു.  മുന്തിരിയില്‍ അടങ്ങിയിരിക്കുന്ന റെസ്വെറാട്രോള്‍ പോലുള്ള ആന്റിഓക്സിഡന്റുകള്‍ ശരീരത്തിലെ കോശങ്ങളുടെ നാശം തടയുകയും കാന്‍സര്‍, ഹൃദ്രോഗങ്ങള്‍, നേത്രരോഗങ്ങള്‍ എന്നിവയില്‍ നിന്ന് സംരക്ഷണം നല്‍കുകയും ചെയ്യുന്നു.  

മുന്തിരിയിലെ നാരുകള്‍ ദഹനവ്യവസ്ഥയെ ശക്തിപ്പെടുത്താനും മലബന്ധം അകറ്റാനും സഹായിക്കുന്നു. മുന്തിരിയില്‍ അടങ്ങിയ സങ്കീര്‍ണ്ണ കാര്‍ബോഹൈഡ്രേറ്റുകള്‍ ശരീരത്തിന് ആവശ്യമായ ഊര്‍ജ്ജം നല്‍കുന്നു, ഇത് വ്യായാമം ചെയ്യുന്നവര്‍ക്ക് നല്ലൊരു ലഘുഭക്ഷണമാണ്.  

റെസ്വെറാട്രോള്‍ പോലുള്ള ആന്റിഓക്സിഡന്റുകള്‍ തലച്ചോറിനെ ഓക്സിഡേറ്റീവ് സ്‌ട്രെസ്സില്‍ നിന്ന് സംരക്ഷിക്കുകയും പ്രായവുമായി ബന്ധപ്പെട്ട മറവിരോഗങ്ങള്‍ വരാനുള്ള സാധ്യത കുറയ്ക്കുകയും ചെയ്യാം.  മുന്തിരിയിലെ ആന്റിഓക്സിഡന്റുകളും വിറ്റാമിനുകളും ചര്‍മ്മത്തെ ആരോഗ്യത്തോടെ നിലനിര്‍ത്താനും യുവത്വം നിലനിര്‍ത്താനും സഹായിക്കുന്നു.