മുളപ്പിച്ച ചെറുപയറില്‍ വിറ്റാമിന്‍ സി ധാരാളം

മുളപ്പിച്ച ചെറുപയറില്‍ വിറ്റാമിന്‍ സി ധാരാളം അടങ്ങിയിരിക്കുന്നതിനാല്‍ ശരീരത്തിന്റെ പ്രതിരോധശക്തി വര്‍ദ്ധിപ്പിക്കുന്നു. മുളപ്പിച്ച പയറിലെ നാരുകളും എന്‍സൈമുകളും ദഹനപ്രക്രിയയെ സുഗമമാക്കുന്നു. 

ഒമേഗ-3 ഫാറ്റി ആസിഡുകള്‍ അടങ്ങിയതിനാല്‍ നല്ല കൊളസ്ട്രോള്‍ വര്‍ദ്ധിപ്പിക്കുകയും ചീത്ത കൊളസ്ട്രോള്‍ കുറയ്ക്കുകയും ചെയ്യുന്നു, ഇത് ഹൃദയാരോഗ്യം സംരക്ഷിക്കാന്‍ സഹായിക്കുന്നു. 

നാരുകള്‍ ധാരാളം അടങ്ങിയിരിക്കുന്നതിനാല്‍ വിശപ്പ് നിയന്ത്രിച്ച് ശരീരഭാരം കുറയ്ക്കാന്‍ സഹായിക്കും. വിറ്റാമിന്‍ എ ധാരാളമായി അടങ്ങിയിട്ടുള്ളതുകൊണ്ട് കണ്ണിന്റെ ആരോഗ്യത്തിനും കാഴ്ചശക്തി വര്‍ദ്ധിപ്പിക്കാനും ഇത് നല്ലതാണ്.
 
കാത്സ്യം ധാരാളം അടങ്ങിയിരിക്കുന്നതിനാല്‍ എല്ലുകളുടെയും പല്ലുകളുടെയും ബലത്തിന് ഉത്തമമാണ്. ഇരുമ്പിന്റെ അളവ് വര്‍ദ്ധിപ്പിക്കുകയും രക്തചംക്രമണം മെച്ചപ്പെടുത്തുകയും ചെയ്യുന്നു. 
ശരീരത്തിലെ ആസിഡിന്റെ അളവ് നിയന്ത്രിക്കാനും അസിഡിറ്റി കുറയ്ക്കാനും സഹായിക്കുന്നു.