ആര്‍ത്തവ വേദന ശമിക്കാന്‍

പീരിയഡ്സ് വേദന കുറയ്ക്കാന്‍ ചൂടുവെള്ളം ഉപയോഗിക്കാം, വ്യായാമം ചെയ്യാം.

വിശ്രമിക്കുക: വേദനയുള്ളപ്പോള്‍ വിശ്രമിക്കുകയും മനസ്സിനെ ശാന്തമാക്കുകയും ചെയ്യുക. ധ്യാനം, യോഗ പോലുള്ള കാര്യങ്ങള്‍ ചെയ്യുന്നത് ഗുണം ചെയ്യും.

വ്യായാമം ചെയ്യുക: നടത്തം, നീന്തല്‍, സൈക്ലിങ് തുടങ്ങിയ ലഘുവായ വ്യായാമങ്ങള്‍ ചെയ്യുന്നത് വേദന കുറയ്ക്കാന്‍ സഹായിക്കും.

പഴങ്ങള്‍: തണ്ണിമത്തന്‍ (ധാരാളം വെള്ളം അടങ്ങിയത്), ഓറഞ്ച് തുടങ്ങിയവ കഴിക്കാം.

പാലുത്പന്നങ്ങള്‍: തൈര് കഴിക്കുന്നത് നല്ലതാണ്, കാരണം ഇതില്‍ കാത്സ്യം ധാരാളമായി അടങ്ങിയിട്ടുണ്ട്.

മത്സ്യം: ഓമേഗ 3 ഫാറ്റി ആസിഡുകള്‍ അടങ്ങിയ മത്സ്യം വേദന കുറയ്ക്കാന്‍ സഹായിക്കും.

നട്സ്: ബദാം, പിസ്ത തുടങ്ങിയവയില്‍ മഗ്‌നീഷ്യം അടങ്ങിയിട്ടുണ്ട്. ഇവ മനസ്സിനും ശരീരത്തിനും നല്ലതാണ്.

ഡാര്‍ക്ക് ചോക്ലേറ്റ്: ഇതിലടങ്ങിയ മഗ്നീഷ്യം മൂഡ് മാറ്റങ്ങള്‍ നിയന്ത്രിക്കാന്‍ സഹായിക്കും.

ഒഴിവാക്കേണ്ടവ: കൊഴുപ്പും വറുത്തതുമായ ഭക്ഷണങ്ങള്‍, ഫാസ്റ്റ് ഫുഡ് എന്നിവ ഒഴിവാക്കുക.

ചൂടുവെള്ളം: വേദനയുള്ള ഭാഗത്ത് ചൂടുവെള്ളം ഉപയോഗിക്കുന്നത് ആശ്വാസം നല്‍കും.

ഡോക്ടറെ കാണുക: വേദന സഹിക്കാനാവാത്ത വിധം കഠിനമാണെങ്കില്‍ ഒരു ഡോക്ടറെ കാണേണ്ടത് അത്യാവശ്യമാണ്.