രോഗപ്രതിരോധ ശേഷിക്ക് ശര്‍ക്കര

ശര്‍ക്കരയില്‍ സ്വാഭാവിക പഞ്ചസാരകളായ സുക്രോസ്, ഫ്രക്ടോസ്, ഗ്ലൂക്കോസ് എന്നിവ അടങ്ങിയിട്ടുണ്ട്. ഇത് ശരീരത്തിന് വേഗത്തില്‍ ഊര്‍ജ്ജം നല്‍കുന്നു. ശര്‍ക്കര ദഹന എന്‍സൈമുകളെ ഉത്തേജിപ്പിക്കുകയും ദഹനക്കേട്, മലബന്ധം തുടങ്ങിയ പ്രശ്‌നങ്ങള്‍ അകറ്റുകയും ചെയ്യുന്നു. 

ശര്‍ക്കരയില്‍ ആന്റിഓക്സിഡന്റുകളും ധാതുക്കളും അടങ്ങിയിട്ടുണ്ട്. ഇത് രോഗപ്രതിരോധ ശേഷി വര്‍ദ്ധിപ്പിക്കാനും ശരീരത്തെ രോഗങ്ങളില്‍ നിന്ന് സംരക്ഷിക്കാനും സഹായിക്കുന്നു.  ശര്‍ക്കരയില്‍ ഇരുമ്പിന്റെ അളവ് കൂടുതലാണ്. ഇത് വിളര്‍ച്ച തടയാനും ഹീമോഗ്ലോബിന്റെ അളവ് കൂട്ടാനും സഹായിക്കുന്നു. ശര്‍ക്കര ശരീരത്തിലെ വിഷാംശം നീക്കം ചെയ്യാനും കരളിന്റെ ആരോഗ്യത്തിനും നല്ലതാണ്. 

ശര്‍ക്കര ശ്വാസകോശ സംബന്ധമായ പ്രശ്‌നങ്ങളെ അകറ്റാനും കഫക്കെട്ട് കുറയ്ക്കാനും സഹായിക്കുന്നു. ശര്‍ക്കര സന്ധി വേദന, ആര്‍ത്തവ വേദന തുടങ്ങിയ വേദനകള്‍ കുറയ്ക്കാന്‍ സഹായിക്കുന്നു.