പൂച്ച മാന്തിയാല്‍ ശ്രദ്ധിക്കാന്‍...

പൂച്ച മാന്തുകയോ കടിക്കുകയോ ചെയ്താല്‍ ഉടന്‍ തന്നെ 15 മിനിറ്റ് നേരം സോപ്പ് ഉപയോഗിച്ച് മുറിവ് നന്നായി കഴുകുക. കഴുകിയ ശേഷം ബീറ്റാഡിന്‍ പോലുള്ള അണുനാശിനി മുറിവില്‍ പുരട്ടുക. 

പൂച്ച മാന്തിയതോ കടിക്കുകയോ ചെയ്ത ഉടന്‍ ഡോക്ടറെ കാണുക. പേവിഷബാധ തടയുന്നതിനുള്ള പ്രതിരോധ കുത്തിവയ്പ്പുകള്‍ സ്വീകരിക്കേണ്ടതുണ്ട്. പൂച്ച മാന്തുകയോ കടിക്കുകയോ ചെയ്ത മുറിവില്‍ സ്വന്തം കൈകൊണ്ട് തൊടരുത്. കൈകളില്‍ മുറിവുണ്ടെങ്കില്‍ അതിലൂടെ വൈറസ് പകരാന്‍ സാധ്യതയുണ്ട്.

പൂച്ചകള്‍ കൂടെക്കൂടെ മുന്‍കാലുകള്‍ നക്കുന്നതിനാല്‍ നഖങ്ങളില്‍ വൈറസുകള്‍ ഉണ്ടാവാം. പൂച്ചയുടെ നഖത്തില്‍ നിന്ന് അണുക്കള്‍ പടരാന്‍ സാധ്യതയുള്ളതിനാല്‍ നക്കുന്നതും ഒഴിവാക്കണം.