ഓര്‍മ്മശക്തിക്ക് കശുവണ്ടി

കശുവണ്ടിയില്‍ അടങ്ങിയ മോണോസാച്ചുറേറ്റഡ്, പോളിഅണ്‍സാച്ചുറേറ്റഡ് കൊഴുപ്പുകള്‍ ഹൃദയാരോഗ്യം മെച്ചപ്പെടുത്തുന്നു. ഇത് ചീത്ത കൊളസ്‌ട്രോള്‍ കുറയ്ക്കുകയും ഹൃദ്രോഗ സാധ്യത കുറയ്ക്കുകയും ചെയ്യുന്നു. 

കശുവണ്ടിയിലെ നാരുകളും ആരോഗ്യകരമായ കൊഴുപ്പുകളും രക്തത്തിലെ പഞ്ചസാരയുടെ അളവ് നിയന്ത്രിക്കാന്‍ സഹായിക്കുന്നു. പ്രമേഹമുള്ളവര്‍ക്ക് ഇത് വളരെ ഗുണം ചെയ്യും. കശുവണ്ടിയില്‍ അടങ്ങിയ നാരുകളും പ്രോട്ടീനും വിശപ്പ് കുറയ്ക്കുകയും കൂടുതല്‍ നേരം വയര്‍ നിറഞ്ഞതായി തോന്നാന്‍ സഹായിക്കുകയും ചെയ്യുന്നു. ഇത് ശരീരഭാരം നിയന്ത്രിക്കാന്‍ സഹായിക്കുന്നു. 

കശുവണ്ടിയില്‍ അടങ്ങിയ വിറ്റാമിനുകളും ധാതുക്കളും തലച്ചോറിന്റെ പ്രവര്‍ത്തനത്തെ മെച്ചപ്പെടുത്തുകയും ഓര്‍മ്മശക്തി വര്‍ദ്ധിപ്പിക്കുകയും ചെയ്യുന്നു. കശുവണ്ടിയില്‍ നാരുകള്‍ ധാരാളമായി അടങ്ങിയിട്ടുണ്ട്. ഇത് ദഹനത്തെ സഹായിക്കുകയും മലബന്ധം പോലുള്ള പ്രശ്‌നങ്ങള്‍ അകറ്റുകയും ചെയ്യും.