ലൈംഗികമായി പീഡിപ്പിച്ചെന്ന് പെണ്‍കുട്ടിയുടെ മൊഴി;  പഞ്ചായത്ത് അംഗത്തിന് എതിരെ ലൈംഗിക  പീഡനത്തിന് കേസ് എടുത്തു

കൊല്ലം: കൊല്ലത്ത് പഞ്ചായത്ത് അംഗത്തിന് എതിരെ ലൈംഗിക പീഡനത്തിന് കേസ് എടുത്തു. തന്നെ ലൈംഗികമായി പീഡിപ്പിച്ചെന്ന് പ്രായപൂര്‍ത്തിയാകാത്ത പെണ്‍കുട്ടി ചൈല്‍ഡ് ലൈനിന് നല്‍കിയ മൊഴിയുടെ അടിസ്ഥാനത്തിലാണ് കേസ് എടുത്തത്.

കൊല്ലം കൊറ്റങ്കര 21-ാം വാര്‍ഡ് അംഗം ടി.എസ്.  മണിവര്‍ണനെതിരെയാണ് കേസെടുത്തത്. പല സ്ഥലങ്ങളില്‍ കൊണ്ടുപോയി ലൈംഗിക അതിക്രമത്തിന് ഇരയാക്കിയെന്നാണ് പെണ്‍കുട്ടിയുടെ മൊഴി. 

പെണ്‍കുട്ടിയുടെ സ്‌കൂളിലെ നാടക അധ്യാപകനായി എത്തിയതായിരുന്നു മണിവര്‍ണന്‍. കുട്ടിയെ തട്ടിക്കൊണ്ടുപോയെന്ന പെണ്‍കുട്ടിയുടെ മാതാവിന്റെ പരാതിയില്‍ റിമാന്‍ഡിലാണ് മണിവര്‍ണന്‍. കഴിഞ്ഞ ദിവസം പെണ്‍കുട്ടിയുടെ പിതാവ് സംഭവത്തില്‍ മനംനൊന്ത് ആത്മഹത്യ ചെയ്തിരുന്നു.