/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/vrOwHdX1TGSKrz9hySFu.jpg)
പുനലൂര്‍: ആറുവയസുകാരിയെ ലൈംഗികമായി പീഡിപ്പിച്ചെന്ന കേസില്‍ വിവിധ വകുപ്പുകളിലായി പ്രതിക്ക് 37 വര്‍ഷം കഠിനതടവും പിഴയും. പത്തനംതിട്ട മലയാലപ്പുഴ ചെങ്ങറ സമരഭൂമിയില്‍ വിനീഷ് ഭവനില്‍ വിനീഷിനെ(23)യാണ് ശിക്ഷിച്ചത്. പുനലൂര്‍ ഫാസ്റ്റ് ട്രാക്ക് സ്‌പെഷ്യല്‍ കോടതി ജഡ്ജി ടി.ഡി. ബൈജുവിന്റേതാണ് വിധി. പിഴത്തുകയില്‍നിന്ന് 25,000 രൂപ അതിജീവിതയ്ക്കു നല്‍കാനും വിധിച്ചു.
നഷ്ടപരിഹാരമായി അതിജീവിതയ്ക്ക് ഒരുലക്ഷം രൂപ നല്‍കാന്‍ ജില്ലാ ലീഗല്‍ സര്‍വീസസ് അതോറിറ്റിയോട് ശുപാര്‍ശ ചെയ്തു. 2018-ലാണ് കേസിനാസ്പദമായ സംഭവം. മലയാലപ്പുഴ പോലീസ് രജിസ്റ്റര്‍ ചെയ്ത കേസ് പിന്നീട് പത്തനാപുരം പോലീസിന് കൈമാറി.
സംഭവസ്ഥലം പത്തനാപുരം സ്റ്റേഷന്‍ അതിര്‍ത്തിയാണെന്നു കണ്ടെത്തിയതിനെ തുടര്‍ന്നായിരുന്നു ഇത്. പത്തനാപുരം എസ്.ഐ. സതീഷ്‌കുമാര്‍ ആരംഭിച്ച അന്വേഷണം ഇന്‍സ്‌പെക്ടര്‍ വി. സജികുമാര്‍ പൂര്‍ത്തിയാക്കി കുറ്റപത്രം സമര്‍പ്പിച്ചു. കോടതിയില്‍ പ്രോസിക്യൂഷനുവേണ്ടി സ്‌പെഷ്യല്‍ പബ്ലിക് പ്രോസിക്യൂട്ടര്‍ കെ.പി.അജിത്ത് ഹാജരായി.