രക്തസമ്മര്‍ദ്ദം നിയന്ത്രിക്കാന്‍ ആപ്രിക്കോട്ട്

ആപ്രിക്കോട്ടില്‍ അടങ്ങിയ വിറ്റാമിന്‍ സി, ബീറ്റാ കരോട്ടിന്‍ എന്നിവ ചര്‍മ്മത്തിന് തിളക്കവും ഇലാസ്തികതയും നല്‍കുന്നു. കൂടാതെ അള്‍ട്രാവയലറ്റ് രശ്മികളില്‍ നിന്ന് സംരക്ഷണം നല്‍കാനും സഹായിക്കുന്നു. 

നാരുകള്‍ ധാരാളമായി അടങ്ങിയിരിക്കുന്നതിനാല്‍ ദഹനവ്യവസ്ഥ മെച്ചപ്പെടുത്താനും മലബന്ധം തടയാനും സഹായിക്കുന്നു. നാരുകള്‍ അടങ്ങിയതുകൊണ്ട് വിശപ്പ് കുറയ്ക്കാനും കലോറിയുടെ ഉപയോഗം നിയന്ത്രിക്കാനും ഇത് സഹായിക്കും. 

വിറ്റാമിന്‍ സി, എ എന്നിവ അടങ്ങിയതുകൊണ്ട് രോഗപ്രതിരോധ ശേഷി വര്‍ദ്ധിപ്പിക്കാനും ശരീരത്തിലെ വീക്കം കുറയ്ക്കാനും ഇത് സഹായിക്കുന്നു. പൊട്ടാസ്യം അടങ്ങിയിരിക്കുന്നതിനാല്‍ രക്തസമ്മര്‍ദ്ദം നിയന്ത്രിക്കാനും ഹൃദയാരോഗ്യം സംരക്ഷിക്കാനും ഇത് ഗുണകരമാണ്. 

കാല്‍സ്യം, പൊട്ടാസ്യം, മഗ്‌നീഷ്യം എന്നിവ അടങ്ങിയിരിക്കുന്നതിനാല്‍ എല്ലുകളുടെ ആരോഗ്യത്തിനും ഇത് നല്ലതാണ്. കരോട്ടിനോയിഡുകളും വിറ്റാമിനുകളും കരളിനെ സംരക്ഷിക്കാനും കരള്‍രോഗ സാധ്യതകള്‍ കുറയ്ക്കാനും സഹായിക്കും.