ബദാം വെള്ളത്തില്‍ കുതിര്‍ത്ത് കഴിച്ചാല്‍

ബദാം വെള്ളത്തില്‍ കുതിര്‍ത്ത് കഴിക്കുന്നത് ദഹനത്തെ മെച്ചപ്പെടുത്താനും പോഷകങ്ങള്‍ എളുപ്പത്തില്‍ ആഗിരണം ചെയ്യാനും സഹായിക്കുന്നു. ബദാമിലെ കട്ടിയുള്ള തൊലി കുതിര്‍ക്കുമ്പോള്‍ മൃദുവായി തീരുന്നു. ഇത് ദഹനപ്രക്രിയ എളുപ്പമാക്കുകയും ഗ്യാസ് പോലുള്ള പ്രശ്‌നങ്ങള്‍ കുറയ്ക്കുകയും ചെയ്യുന്നു. 

കുതിര്‍ക്കുമ്പോള്‍ ബദാമിലെ ഫൈറ്റിക് ആസിഡ് കുറയുന്നു. ഇത് സിങ്ക്, ഇരുമ്പ് പോലുള്ള ധാതുക്കള്‍ ശരീരത്തിന് എളുപ്പത്തില്‍ ലഭിക്കാന്‍ സഹായിക്കുന്നു.  ബദാമിലെ ആരോഗ്യകരമായ കൊഴുപ്പുകള്‍ ചീത്ത കൊളസ്‌ട്രോള്‍ കുറയ്ക്കാനും നല്ല കൊളസ്‌ട്രോള്‍ വര്‍ദ്ധിപ്പിക്കാനും സഹായിക്കുന്നു. 

ബദാമില്‍ അടങ്ങിയിരിക്കുന്ന മോണോസാച്ച്യുറേറ്റഡ് ഫാറ്റുകള്‍ വിശപ്പ് നിയന്ത്രിക്കാന്‍ സഹായിക്കുന്നു. ബദാമില്‍ അടങ്ങിയിട്ടുള്ള വിറ്റാമിന്‍ ഇ  ചര്‍മ്മത്തിനും മുടിക്കും ഉത്തമമാണ്. ബദാം തലച്ചോറിന്റെ ആരോഗ്യത്തെ പ്രോത്സാഹിപ്പിക്കുന്നു. ബദാമിലെ ആന്റിഓക്‌സിഡന്റുകള്‍ ശരീരത്തിലെ ഫ്രീ റാഡിക്കല്‍സിനെ പ്രതിരോധിക്കും.