തൊണ്ടവേദന മാറാന്‍...

ഒരു ഗ്ലാസ് ചൂടുവെള്ളത്തില്‍ ഒരു നുള്ള് ഉപ്പ് ചേര്‍ത്ത് കവിള്‍ കൊള്ളുന്നത് തൊണ്ടയിലെ വേദന കുറയ്ക്കാന്‍ സഹായിക്കും. ചൂടുള്ള ചായ, സൂപ്പ്, കഷായം എന്നിവ കുടിക്കുന്നത് തൊണ്ടവേദനയ്ക്ക് ആശ്വാസം നല്‍കും.

ഒരു സ്പൂണ്‍ തേനും നാരങ്ങ നീരും ചേര്‍ത്ത് ചൂടുവെള്ളത്തില്‍ കലക്കി കുടിക്കുന്നത് തൊണ്ടവേദന കുറയ്ക്കാന്‍ സഹായിക്കും. തൊണ്ടവേദനയുള്ളപ്പോള്‍ സംസാരിക്കുന്നതും കൂടുതല്‍ ആയാസം എടുക്കുന്നതും ഒഴിവാക്കുക.

ശരീരത്തില്‍ ജലാംശം നിലനിര്‍ത്തുന്നത് തൊണ്ടവേദന കുറയ്ക്കാന്‍ സഹായിക്കും. ആവി പിടിക്കുന്നത് തൊണ്ടയിലെ വരള്‍ച്ച മാറ്റാനും വേദന കുറയ്ക്കാനും സഹായിക്കും. തൊണ്ടവേദന രൂക്ഷമാവുകയാണെങ്കില്‍ ഒരു ഡോക്ടറെ കാണുക.