പത്തനംതിട്ട: മല്ലപ്പള്ളിയില് കുറിപ്പെഴുതിവച്ച് 14കാരന് വീടുവിട്ടിറങ്ങി. മഞ്ഞത്താനാ സ്വദേശി അഭിലാഷിന്റെ മകന് ആദിത്യനെയാണ് ഇന്നലെ മുതല് കാണാതായത്.
സിനിമയില് അഭിനയിക്കാന് പോകുന്നുവെന്നും അഞ്ചുവര്ഷം കഴിഞ്ഞ് ടിവിയില് കാണാമെന്നുമെഴുതിയ കുറിപ്പ് കണ്ടെത്തി. ഇന്നലെ രാവിലെ ആറരയ്ക്ക് ട്യൂഷന് സെന്ററിലേക്ക് പോയ ആദിത്യനെ കാണാതാകുകയായിരുന്നു.
വീട്ടില് തിരിച്ചെത്തായതോടെ തിരച്ചില് നടത്തി. തുടര്ന്നാണ് സിനിമയില് അഭിനയിക്കാന് പോകുകയാണെന്നും തിരക്കഥ എഴുതാന് താല്പര്യമുണ്ടെന്നും കാണിച്ചുള്ള കുറിപ്പ് കണ്ടെത്തി. മാതാപിതാക്കളുടെ പരാതിയില് പോലീസ് കേസെടുത്ത് അന്വേഷണം ആരംഭിച്ചു.