പത്തനംതിട്ടയില്‍ ബൈക്ക് ബസുമായി കൂട്ടിയിടിച്ച് അപകടം; രണ്ട് യുവാക്കള്‍ക്ക് ദാരുണാന്ത്യം

പത്തനംതിട്ട: വാഹനാപകടത്തില്‍ യുവാക്കള്‍ മരിച്ചു. അടൂര്‍ അമ്മകണ്ടകര സ്വദേശികളായ അമല്‍ (20), നിശാന്ത് (23) എന്നിവരാണ് മരിച്ചത്. ഇരുവരും സൂപ്പര്‍മാര്‍ക്കറ്റിലെ ജീവനക്കാരാണ്. 

പത്തനംതിട്ട അടൂര്‍ മിത്രപുരത്ത് പുലര്‍ച്ചെ 12.30നാണ് സംഭവം. യുവാക്കള്‍ സഞ്ചരിച്ചിരുന്ന ബൈക്ക് ബസുമായി കൂട്ടിയിടിക്കുകയായിരുന്നു. ഇരുവരും സംഭവ സ്ഥലത്തുതന്നെ മരിച്ചു.