വളംകടി കാരണങ്ങള്‍

ഒരു ചര്‍മപ്രശ്‌നമാണ് വളംകടി. ഡെര്‍മാറ്റോഫൈറ്റിനത്തില്‍പ്പെടുന്ന ഫംഗസ് അണുബാധമൂലമാണ് ഇതുണ്ടാകുന്നത്. കാലുകളില്‍ പല വഴികളാല്‍ ഈര്‍പ്പം നിലനില്‍ക്കുന്നതിനാല്‍ മഴക്കാലങ്ങളില്‍ ഈ രോഗം കൂടുതലായി കാണപ്പെടുന്നത്. 

അണുബാധയുണ്ടായാല്‍ കാല്‍വിരലുകള്‍ക്കിടയില്‍ കുമിളകളുണ്ടാകുകയും അസഹ്യമായ ചൊറിച്ചില്‍ അനുഭവപ്പെടുകയും ചെയ്യുന്നു. കൂടുതല്‍ സമയം കാല്‍പാദം നനവുള്ളതാകുന്നത്, നനഞ്ഞ സോക്‌സും ഇറുകിയ ഷൂസും ധരിക്കുന്നത്. 

പൊതു കുളിമുറികള്‍, നീന്തല്‍ക്കുളത്തിന്റെ പരിസരം എന്നിവിടങ്ങളില്‍ നഗ്‌നപാദരായി സഞ്ചരിക്കുന്നത്. അണുബാധയുള്ളവരുടെ സോക്‌സ്, ഷൂസ്, ടവ്വലുകള്‍ എന്നിവ ഉപയോഗിക്കുന്നത് തുടങ്ങിയ സാഹചര്യങ്ങളില്‍ വളംകടി ഉണ്ടാവാം. 

അണുബാധ ഉണ്ടായാല്‍ വിരലുകള്‍ക്കിടയിലുള്ള സ്ഥലത്ത് അസഹ്യമായ ചൊറിച്ചലും നീറ്റലും ഉണ്ടാവാം. വിരലുകള്‍ക്കിടയിലുള്ള സ്ഥലം അഴുകിയതുപോലെ കാണപ്പെടുകയും ദുര്‍ഗന്ധം വമിക്കുകയും ചെയ്യുക.