തുടങ്ങനാട് മേഖലാതല  കലോത്സവം ഉദ്ഘാടനം ചെയ്തു

തുടങ്ങനാട്: ചെറുപുഷ്പം മിഷന്‍ ലീഗിന്റെയും വിശ്വാസ പരിശീലനത്തിന്റെയും സംയുക്ത ആഭിമുഖ്യത്തില്‍ തുടങ്ങനാട് സെന്റ്  തോമസ് ഹൈസ്‌കൂളില്‍ നടക്കുന്ന തുടങ്ങനാട് മേഖലാതല കലോത്സവം ഉദ്ഘാടനം തുടങ്ങനാട് ഫൊറോന വികാരി വെരി. റവ. ഫാദര്‍ ജോണ്‍സണ്‍ പുള്ളീറ്റ് നിര്‍വഹിച്ചു.

തുടങ്ങനാട് ഫൊറോന പള്ളിയുടെ കീഴിലുള്ള എട്ട് ഇടവകളില്‍ നിന്നുള്ള എണ്ണൂറിലധികം വിദ്യാര്‍ഥികള്‍ വിവിധ കാറ്റഗറികളിലായി പത്തിനം മത്സരങ്ങളില്‍ പങ്കെടുത്തു. 

മേഖലാ ഡയറക്ടര്‍ ഫാദര്‍ മൈക്കിള്‍ ചാത്തന്‍കുന്നേല്‍, രൂപത പ്രതിനിധി ശ്രി സിജോ സ്‌കറിയാ, ജ്യോതിസ് തേവര്‍കുന്നേല്‍, സിസ്റ്റര്‍ അല്‍ഫോന്‍സ് സി.എം.സി, സിബി കാടശേരില്‍, സിജു കട്ടക്കയം എന്നിവര്‍ പങ്കെടുത്തു.