നെടുങ്കണ്ടം: ഭര്‍ത്താവിനൊപ്പം ജോലി തേടിയെത്തിയ ആസാം സ്വദേശിനിയെ അന്യ സംസ്ഥാനത്തൊഴിലാളികള്‍ ബലാത്സംഗം ചെയ്തു. സംഭവത്തില്‍ നാല് ആസാം സ്വദേശികള്‍ അറസ്റ്റില്‍.
ആസാം സ്വദേശികളായ സദ്ദാം ഹുസൈന്‍ (23), അജിം ഉദിന്‍ (26), മുഖീബുര്‍ റഹ്മാന്‍(38), കയിറുള്‍ ഇസ്ലാം (29) എന്നിവരാണ് അറസ്റ്റിലായത്. പ്രതികള്‍ നെടുങ്കണ്ടത്തെ വിവിധ വ്യാപാര സ്ഥാപനങ്ങളില്‍ ജോലിചെയ്തുവരുന്നവരാണ്.
വെള്ളിയാഴ്ച രാത്രിയാണ് സംഭവം. സ്ത്രീയുടെ ഭര്‍ത്താവിന്റെ സുഹൃത്ത് പറഞ്ഞതനുസരിച്ചാണ് ഇവര്‍ വെള്ളിയാഴ്ച രാത്രി ഒമ്പതിന് നെടുങ്കണ്ടത്തിന് സമീപം താന്നിമൂട്ടില്‍ എത്തിയത്. താന്നിമൂട്ടിലെ കട്ടക്കളത്തിനോട് ചേര്‍ന്നുള്ള ഷെഡിലാണ് ഇവരുടെ സുഹൃത്ത് മറ്റ് ആറ് ഇതര സംസ്ഥാനത്തൊഴിലാളികളോടൊപ്പം താമസിച്ചിരുന്നത്.
രാത്രി പത്തിന് മദ്യപിച്ച പ്രതികള്‍ യുവതിയുടെ ഭര്‍ത്താവിനെ ഭീഷണിപ്പെടുത്തുകയും പ്രതികളിലൊരാളായ സദ്ദാം ഹുസൈന്‍ യുവതിയെ കുളിമുറിയിലെത്തിച്ച് ബലാത്സംഗം ചെയ്യുകയുമായിരുന്നു. തുടര്‍ന്ന് മറ്റ് മൂന്ന് പ്രതികള്‍ യുവതിയെ ശാരീരികമായി ഉപദ്രവിക്കുകയും ചെയ്തു.
ഇന്നലെ രാവിലെ ഇവിടെ നിന്നിറങ്ങിയ സ്ത്രീയും ഭര്‍ത്താവും നെടുങ്കണ്ടത്തെത്തി വിവരം ഓട്ടോറിക്ഷാത്തൊഴിലാളികളെ അറിയിക്കുകയും തുടര്‍ന്ന് പോലീസ് സ്റ്റേഷനിലെത്തി പരാതി നല്‍കുകയുമായിരുന്നു. നെടുങ്കണ്ടം സി ഐ ജെര്‍ലിന്‍ വി. സ്‌കറിയ, എഎസ്ഐ ഹരികുമാര്‍, സി.പി.ഒമാരായ ജോമോന്‍, ജിതിന്‍, രഞ്ജു, റസിയ, മിഥു എന്നിവരാണ് പ്രതികളെ പിടികൂടിയത്. പ്രതികളെ ഇന്ന് കോടതിയില്‍ ഹാജരാക്കും.
/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2025/03/09/E7otihwF2rtfuvtky3pc.jpg)