കൊല്ലം: സ്റ്റോപ്പില്‍ നിര്‍ത്താതെ പോയ കെ.എസ്.ആര്‍.ടി.സി. ബസ് ഡ്രൈവറെ കൊണ്ട് ഇംപോസിഷന്‍ എഴുതിച്ച് യാത്രക്കാരന്‍.
കൊല്ലം കൊട്ടാരക്കരയില്‍ വെള്ളിയാഴ്ച വൈകിട്ടായിരുന്നു സംഭവം. പത്തനംതിട്ട ജില്ലയിലെ ഒരു ഡിപ്പോയിലെ ഡ്രൈവറാണ് ഇംപോസിഷന്‍ എഴുതിയത്.
എറണാകുളത്ത് നിന്നും ഒരാഴ്ച മുമ്പാണ് പത്തനംതിട്ടയിലെത്തിയതെന്നും എം.എല്‍.എ. ജംഗ്ഷനില്‍ സ്റ്റോപ്പുള്ളത് അറിയില്ലെന്നും ഡ്രൈവര്‍ പറഞ്ഞു. ഗതാഗത വകുപ്പ് മന്ത്രിയുടെ നാട്ടില്‍ മുന്‍ മന്ത്രിയായ ആര്‍. ബാലകൃഷ്ണപിള്ളയുടെ പേരിള്ള സ്റ്റോപ്പ് കെ.എസ്.ആര്‍.ടി.സി. ഡ്രൈവര്‍ അറിഞ്ഞിരിക്കേണ്ടതല്ലേയെന്നായിരുന്നു യാത്രക്കാരന്റെ തിരിച്ചുള്ള ചോദ്യം.
പരാതി നല്‍കാതിരിക്കാന്‍ എന്തുവേണമെന്ന് യാത്രക്കാരനോട് ഡ്രൈവര്‍ ചോദിച്ചു. ഇംപോസിഷന്‍ എഴുതാനാണ് യാത്രക്കാരന്‍ ആവശ്യപ്പെട്ടത്. വാളകം എം.എല്‍.എ. ജംഗ്ഷനില്‍ സൂപ്പര്‍ ഫാസ്റ്റിന് സ്റ്റോപ്പുണ്ടെന്ന് 50 തവണ എഴുതി വാട്സ്ആപ്പില്‍ ഇടാന്‍ ആവശ്യപ്പെടുകയായിരുന്നു.
ബസില്‍ തിരക്കുണ്ടായിരുന്നില്ല. എന്നിട്ടും ബസ് നിര്‍ത്താതെ പോവുകയായിരുന്നെന്നാണ് യാത്രക്കാരന്റെ പരാതി. ബസിന്റെ ഡ്രൈവര്‍ ആരാണെന്ന് ചോദിച്ച് യാത്രക്കാരന്‍ ഡിപ്പോയില്‍ വിളിച്ച് അന്വേഷിച്ച് കണ്ടെത്തുകയായിരുന്നു.
/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/XDz9Zb17hM7sVPeL7Dw8.jpg)