കോഴിക്കോട്: എ.ഡി.എം. നവീന് ബാബുവിന്റെ മരണത്തില് കണ്ണൂര് ജില്ലാ പഞ്ചായത്ത് മുന് പ്രസിഡന്റ് പി.പി. ദിവ്യക്ക് വീഴ്ച പറ്റിയെന്ന് മുഖ്യമന്ത്രി പിണറായി വിജയന്. പാര്ട്ടിയെ പ്രതിരോധത്തിലാക്കുന്ന നടപടികളാണ് തെരഞ്ഞെടുപ്പ് സമയത്ത് ഇ.പി. ജയരാജന്റെ ഭാഗത്തുനിന്നുണ്ടായതെന്നും മുഖ്യമന്ത്രി ചൂണ്ടിക്കാട്ടി.
സി.പി.എം. കോഴിക്കോട് ജില്ലാ സമ്മേളന വേദിയിലായിരുന്നു മുഖ്യമന്ത്രിയുടെ പ്രതികരണം. പി.പി. ദിവ്യക്കെതിരായ നടപടി മാധ്യമ വാര്ത്തകള്ക്ക് അനുസരിച്ചായിരുന്നു എന്ന പ്രതിനിധികളുടെ വിമര്ശനത്തിന് മറുപടി പറയുകയായിരുന്നു അദ്ദേഹം.
''ദിവ്യക്കെതിരായ നടപടി ശരിയായ രീതിയില് തന്നെയായിരുന്നു കൈക്കൊണ്ടത്. ജില്ലാ പഞ്ചായത്ത് പ്രസിഡന്റ് എന്ന നിലയില് ദിവ്യ പരാതി പറയേണ്ട സ്ഥലത്ത് പറഞ്ഞില്ല. വിളിക്കാത്ത പരിപാടിക്ക് പോയി കാര്യങ്ങള് പറഞ്ഞത് ശരിയായില്ല. ഇതൊക്കെ പാര്ട്ടി അന്വേഷിച്ച് ശരിയാണെന്ന് കണ്ടെത്തിയതിനെത്തുടര്ന്നാണ് നടപടി സ്വീകരിച്ചത്.
തെരഞ്ഞെടുപ്പ് സമയത്ത് ഇ.പി. ജയരാജന്റെ ഭാഗത്തുനിന്നുണ്ടായത് പാര്ട്ടിയെ പ്രതിരോധത്തിലാക്കുന്ന നടപടികളാണ്. പാര്ട്ടി തിരുത്തല് നടപടികള് സ്വീകരിച്ചിട്ടുണ്ടെന്നും മുഖ്യമന്ത്രി പറഞ്ഞു.