തോട്ടട ഐ.ടി.ഐ. സംഘര്‍ഷം: എസ്.എഫ്.ഐ.  പ്രവര്‍ത്തകന്‍ അറസ്റ്റില്‍

കണ്ണൂര്‍: തോട്ടട ഐ.ടി.ഐ. സംഘര്‍ഷത്തില്‍ എസ്.എഫ്.ഐ. പ്രവര്‍ത്തകന്‍ അറസ്റ്റില്‍. പോളിടെക്‌നിക് വിദ്യാര്‍ത്ഥിയായ പാനൂര്‍ സ്വദേശി അമല്‍ ബാബുവാണ് അറസ്റ്റിലായത്.

സി.സി.ടിവി ദൃശ്യങ്ങള്‍ പരിശോധിച്ചതിന്റെ അടിസ്ഥാനത്തിലാണ് നടപടി. ദൃശ്യങ്ങളില്‍ യൂണിറ്റ് പ്രസിഡന്റ് റിബിനെ ആദ്യം അടിച്ചത് അമല്‍ ബാബുവാണെന്ന് പോലീസ് കണ്ടെത്തി. 

സംഭവത്തില്‍ കെ.എസ്.യു-എസ്.എഫ്.ഐ. പ്രവര്‍ത്തകര്‍ക്കെതിരെ വധശ്രമത്തിന് കേസെടുത്തിട്ടുണ്ട്. കഴിഞ്ഞ ദിവസമാണ് തോട്ടട ഐ.ടി.ഐയില്‍ കെ.എസ്.യു-എസ്.എഫ്.ഐ. പ്രവര്‍ത്തകര്‍ തമ്മില്‍ സംഘര്‍ഷം നടന്നത്.