കൊല്ലം വിളക്കുടി പഞ്ചായത്തില്‍ എല്‍.ഡി.എഫ്- യു.ഡി.എഫ്. അംഗങ്ങള്‍ തമ്മില്‍ കൂട്ടത്തല്ല്

കൊല്ലം: വിളക്കുടി പഞ്ചായത്തില്‍ കൂട്ടത്തല്ല്. പഞ്ചായത്തിലെ എല്‍.ഡി.എഫ്-യു.ഡി.എഫ്. അംഗങ്ങളാണ് തമ്മില്‍ തല്ലിയത്. സംഘര്‍ഷത്തില്‍ ഇരുവിഭാഗത്തെ ആളുകള്‍ക്കും പരിക്കേറ്റു.

വിളക്കുടിയില്‍ കഴിഞ്ഞ ആഴ്ച യു.ഡി.എഫിന് പഞ്ചായത്ത് ഭരണം നഷ്ടമായിരുന്നു. കോണ്‍ഗ്രസ് അംഗം ശ്രീകലയാണ് എല്‍.ഡി.എഫ്. പിന്തുണയോടെ പ്രസിഡന്റായത്. അതിന് ശേഷം ആദ്യ പഞ്ചായത്ത് കമ്മിറ്റി കൂടിയപ്പോഴാണ് സംഘര്‍ഷമുണ്ടായത്. പരസ്പരം പോര്‍വിളിച്ച് പുരുഷ-വനിതാ അംഗങ്ങളാണ് തമ്മില്‍ തല്ലിയത്. 

പ്രസിഡന്റിന്റെ രാജി ആവശ്യപ്പെട്ട് യു.ഡി.എഫ്. അംഗങ്ങള്‍ പ്രതിഷേധിച്ചതോടെ അംഗങ്ങള്‍ തമ്മില്‍ ഏറ്റുമുട്ടുകയായിരുന്നു. ഒടുവില്‍ പോലീസ് എത്തിയാണ് സംഘര്‍ഷം അവസാനിപ്പിച്ചത്.
സംഭവത്തിന്റെ വീഡിയോ പുറത്തു വന്നിട്ടുണ്ട്.