പിണറായിയുടെ ഭീരുത്വത്തിന്റെ അടയാളമാണ് അന്‍വറിന്റെ ജയില്‍വാസം, കേരളം കണ്ട ഏറ്റവും ഭീരുവായ ഭരണാധികാരിയാണ് പിണറായി,  കാലം ഒരു കണക്കും തീര്‍ക്കാതെ പോയിട്ടില്ലെന്ന് പിണറായി ഓര്‍ക്കണം: കെ.കെ. രമ

കോഴിക്കോട്: പിണറായിയുടെ ഭീരുത്വത്തിന്റെ അടയാളമാണ് അന്‍വറിന്റെ ജയില്‍വാസമെന്ന് കെ.കെ. രമ എം.എല്‍.എ. 

പെരിയ കൊലക്കേസില്‍ ശിക്ഷിക്കപ്പെട്ടവരെ പി. ജയരാജന്‍ സ്വീകരിച്ച ദിവസമാണ് ഒരു ജനപ്രതിനിധിയെ വീട് വളഞ്ഞു അറസ്റ്റു ചെയ്തത്. നിസഹായരായ ജനങ്ങള്‍ക്ക് മേല്‍ സിംഹാസനമിട്ടു പുച്ഛ ചിരിയുമായി വാഴുകയാണ് പിണറായി. ജനങ്ങള്‍ക്ക് വേണ്ടി ശബ്ദമുയര്‍ത്തിയ ജനപ്രതിനിധിയെയാണ് ജയിലില്‍ അടച്ചത്.

കേരളം കണ്ട ഏറ്റവും ഭീരുവായ ഭരണാധികാരിയാണ് പിണറായി. കാലം ഒരു കണക്കും തീര്‍ക്കാതെ പോയിട്ടില്ലെന്ന് പിണറായി ഓര്‍ക്കണമെന്നും കെ.കെ. രമ പറയുന്നു.