മുടിക്ക് തിളക്കവും ആരോഗ്യവും നല്‍കാനും കൊപ്ര

കൊപ്രയ്ക്ക് നിരവധി ഗുണങ്ങളുണ്ട്. വെളിച്ചെണ്ണയായി ഉപയോഗിക്കുമ്പോള്‍ കൊപ്ര ചര്‍മ്മത്തെ ഈര്‍പ്പമുള്ളതാക്കാനും തിളക്കം നല്‍കാനും സഹായിക്കുന്നു.

കൊപ്ര അല്ലെങ്കില്‍ വെളിച്ചെണ്ണ മികച്ച ചര്‍മ്മ മോയ്‌സ്ചറൈസറാണ്. ഇത് ചര്‍മ്മത്തെ ഈര്‍പ്പമുള്ളതാക്കുകയും ഇലാസ്റ്റിക് ആക്കുകയും ചെയ്യുന്നു. സൂര്യതാപം കൊണ്ടുള്ള കറുത്ത ചര്‍മ്മം മാറ്റാന്‍ കൊപ്ര സഹായിക്കും.

കൊപ്രയില്‍ നിന്ന് ലഭിക്കുന്ന വെളിച്ചെണ്ണ താരന്‍ ഇല്ലാതാക്കാനും മുടിക്ക് തിളക്കവും ആരോഗ്യവും നല്‍കാനും സഹായിക്കും. കൊപ്രയിലെ ഫൈബര്‍ ഘടകങ്ങള്‍ ദഹനവ്യവസ്ഥയുടെ പ്രവര്‍ത്തനത്തെ മെച്ചപ്പെടുത്തുകയും മലബന്ധം പോലുള്ള പ്രശ്‌നങ്ങള്‍ ഒഴിവാക്കാന്‍ സഹായിക്കുകയും ചെയ്യുന്നു. 

കൊപ്രയില്‍ അടങ്ങിയിരിക്കുന്ന വിറ്റാമിന്‍ സി ശരീരത്തിന്റെ പ്രതിരോധശേഷി വര്‍ദ്ധിപ്പിക്കുന്നു. കൊപ്രയില്‍ അടങ്ങിയ ചെമ്പ്, ആരോഗ്യമുള്ള അസ്ഥികള്‍ക്കും രക്തക്കുഴലുകള്‍ക്കും ഞരമ്പുകള്‍ക്കും പ്രതിരോധ പ്രവര്‍ത്തനങ്ങള്‍ക്കും ആവശ്യമായ ഒരു പ്രധാന ധാതുവാണ്. ശരീരത്തില്‍ കൊളാജന്‍ രൂപീകരിക്കുന്നതിനും ഇരുമ്പ് ആഗിരണം ചെയ്യുന്നതിനും ചെമ്പ് സഹായിക്കും.