പേശികളുടെ വളര്‍ച്ചയ്ക്ക് സോയ ചങ്ക്‌സ്

സോയ ചങ്ക്‌സിന് ധാരാളം ആരോഗ്യ ഗുണങ്ങളുണ്ട്. സോയ ചങ്ക്‌സ് പേശികളുടെ വളര്‍ച്ചയ്ക്കും ശരീരത്തിന്റെ മൊത്തത്തിലുള്ള ആരോഗ്യത്തിനും ആവശ്യമായ ഒമ്പത് അവശ്യ അമിനോ ആസിഡുകള്‍ അടങ്ങിയ ഒരു സമ്പൂര്‍ണ്ണ പ്രോട്ടീന്‍ സ്രോതസ്സാണ്. 

ഇതില്‍ കൊളസ്‌ട്രോള്‍ ഇല്ലാത്തതും ചീത്ത കൊഴുപ്പ് കുറവുമാണ്. ഇത് ഹൃദയത്തിന്റെ ആരോഗ്യം മെച്ചപ്പെടുത്താന്‍ സഹായിക്കും. ഉയര്‍ന്ന പ്രോട്ടീനും നാരുകളും കാരണം ഇത് വിശപ്പ് കുറയ്ക്കാനും കൂടുതല്‍ നേരം വയറു നിറഞ്ഞതായി തോന്നാനും സഹായിക്കുന്നു, ഇത് ശരീരഭാരം നിയന്ത്രിക്കാന്‍ സഹായിക്കും. 

ഇരുമ്പ്, സിങ്ക്, വിറ്റാമിനുകള്‍, ധാതുക്കള്‍ എന്നിവയാല്‍ സമ്പുഷ്ടമായതിനാല്‍ പ്രതിരോധശേഷി വര്‍ദ്ധിപ്പിക്കാന്‍ സഹായിക്കുന്നു. നാരുകള്‍ കൂടുതലുള്ളതിനാല്‍ ദഹനവ്യവസ്ഥയുടെ ആരോഗ്യം മെച്ചപ്പെടുത്തുന്നു.