മുടി വൃത്തിയാകാന്‍ ചെമ്പരത്തി താളി

ചെമ്പരത്തി താളി മുടിയുടെ ആരോഗ്യകരമായ വളര്‍ച്ചയെ സഹായിക്കുകയും മുടിയെ ബലപ്പെടുത്തുകയും ചെയ്യുന്നു. മുടി കൊഴിച്ചില്‍ കുറയ്ക്കാന്‍ ഇത് ഫലപ്രദമാണ്, കൂടാതെ തലയോട്ടി വരണ്ടുപോകുന്നത് തടയുന്നു. 

തലയിലെ അഴുക്കുകള്‍ നീക്കം ചെയ്യാനും താരന്‍ അകറ്റാനും ചെമ്പരത്തി താളി നല്ലതാണ്. ചെമ്പരത്തി താളി ഉപയോഗിക്കുന്നതിലൂടെ മുടിക്ക് ബലവും ആരോഗ്യവും കറുപ്പ് നിറവും ലഭിക്കുന്നു. 

രാസവസ്തുക്കള്‍ അടങ്ങിയ ഷാംപൂവിനും കണ്ടീഷണറിനും പകരം ഉപയോഗിക്കാവുന്ന പ്രകൃതിദത്ത ഉല്‍പ്പന്നമാണിത്. തലയോട്ടിക്ക് ആവശ്യമായ തണുപ്പ് നല്‍കാനും ഇത് സഹായിക്കുന്നു. താളി ഉപയോഗിക്കുന്നത് മുടി വൃത്തിയാക്കാനും ഒതുക്കാനും സഹായിക്കുന്നതിലൂടെ ഷാംപൂവിന്റെയും കണ്ടീഷണറിന്റെയും ഗുണം ഒരുമിച്ച് നല്‍കുന്നു.