കൊളസ്ട്രോള്‍ കുറയ്ക്കാന്‍ പേരയില

പേരയിലയിലെ നാരുകള്‍ കുടലിന്റെ ആരോഗ്യം വര്‍ദ്ധിപ്പിക്കുകയും മലബന്ധം ഒഴിവാക്കുകയും ചെയ്യുന്നു. ഇതില്‍ അടങ്ങിയിരിക്കുന്ന വിറ്റാമിന്‍ സിയും മറ്റ് ആന്റിഓക്സിഡന്റുകളും പ്രതിരോധശേഷി വര്‍ദ്ധിപ്പിക്കാന്‍ സഹായിക്കുന്നു. 

ഭാരം കുറയ്ക്കാനും മെറ്റബോളിസം  വര്‍ദ്ധിപ്പിക്കാനും പേരയില സഹായിക്കും. പ്രമേഹരോഗികള്‍ക്ക് ഭക്ഷണശേഷം രക്തത്തിലെ പഞ്ചസാരയുടെ വര്‍ദ്ധനവ് നിയന്ത്രിക്കാന്‍ പേരയില ചായ കുടിക്കുന്നത് നല്ലതാണ്. പതിവായി പേരയില ചായ കുടിക്കുന്നത് ശരീരത്തിലെ കൊളസ്ട്രോള്‍ കുറയ്ക്കാന്‍ സഹായിക്കും. പല്ലുവേദന, മോണവീക്കം, വായ്നാറ്റം എന്നിവയ്ക്ക് പേരയില ഒരു മികച്ച പ്രതിവിധിയാണ്. 

പേരയിലയിലെ വിറ്റാമിന്‍ സി കൊളാജന്‍ ഉത്പാദനത്തെ വര്‍ദ്ധിപ്പിക്കുകയും ഇത് മുടിയുടെ വളര്‍ച്ചയെ സഹായിക്കുകയും ചെയ്യുന്നു. ചര്‍മ്മത്തില്‍ ഉണ്ടാകുന്ന വീക്കങ്ങള്‍ക്കും മുഖക്കുരുവിനും പേരയില അരച്ചുപയോഗിക്കുന്നത് നല്ലതാണ്. ദിവസവും ഒന്നോ രണ്ടോ ഇളം പേരയിലകള്‍ ചവയ്ക്കുന്നത് വായ്നാറ്റം അകറ്റാന്‍ സഹായിക്കും. 

പേരയില തിളപ്പിച്ച വെള്ളം ചായയായി ഉപയോഗിക്കാം. ദഹനം, പ്രതിരോധം, ഭാരം നിയന്ത്രിക്കല്‍ തുടങ്ങിയവയ്ക്ക് ഇത് നല്ലതാണ്. മോണയിലെ നീര്‍വീക്കം, ചര്‍മ്മത്തിലെ വീക്കം എന്നിവയ്ക്ക് പേരയില അരച്ച മിശ്രിതം ഉപയോഗിക്കാം.