ഹൃദയാഘാതം; ലക്ഷണങ്ങള്‍

നെഞ്ചില്‍ ഭാരമോ വേദനയോ അനുഭവപ്പെടുക, ശ്വാസംമുട്ടല്‍, തണുത്ത വിയര്‍പ്പ്, തലകറങ്ങുക, ഓക്കാനം, നെഞ്ചെരിച്ചില്‍ പോലുള്ള പ്രശ്‌നങ്ങള്‍ അനുഭവപ്പെടുക എന്നിവയാണ് ഹൃദയാഘാതം തിരിച്ചറിയാന്‍ സഹായിക്കുന്ന ചില പ്രധാന ലക്ഷണങ്ങള്‍.

നെഞ്ചുവേദന: ഇത് ഹൃദയാഘാതത്തിന്റെ ഏറ്റവും സാധാരണമായ ലക്ഷണമാണ്. നെഞ്ചില്‍ അമര്‍ത്തുന്നതുപോലെയോ, ഞെരുക്കുന്നതുപോലെയോ ഭാരമുള്ള എന്തോ വച്ചതുപോലെ തോന്നാം.
 
ശ്വാസതടസ്സം: ശ്വാസമെടുക്കാന്‍ ബുദ്ധിമുട്ട് അനുഭവപ്പെടുകയോ അല്ലെങ്കില്‍ ആഴത്തില്‍ ശ്വാസമെടുക്കാന്‍ കഴിയാതെ വരികയോ ചെയ്യാം. 

തണുത്ത വിയര്‍പ്പ്: പെട്ടെന്ന് വിയര്‍ക്കുകയും ശരീരം തണുക്കുകയും ചെയ്യാം. 

തലകറങ്ങുക: തലകറങ്ങുന്നതുപോലെ തോന്നുകയോ അല്ലെങ്കില്‍ ബോധം കെട്ടുപോകുന്ന അവസ്ഥയിലേക്ക് എത്തുകയോ ചെയ്യാം. 

ഓക്കാനം, നെഞ്ചെരിച്ചില്‍: ഓക്കാനം, നെഞ്ചെരിച്ചില്‍ പോലുള്ള ദഹന സംബന്ധമായ പ്രശ്‌നങ്ങളും അനുഭവപ്പെടാം.