കുറ്റ്യാടി ചുരത്തില്‍ കാറിന് തീപിടിച്ച് പൊള്ളലേറ്റ് ചികിത്സയിലായിരുന്നയാള്‍ മരിച്ചു

കോഴിക്കോട്: കുറ്റ്യാടി ചുരത്തില്‍ കാറിന് തീപിടിച്ച് പൊള്ളലേറ്റ് ചികിത്സയിലായിരുന്നയാള്‍ മരിച്ചു. കുറ്റ്യാടി കുണ്ട്‌തോട് സ്വദേശി പി.പി. രാജനാ(ദാസന്‍)ണ് മരിച്ചത്. ഇന്ന് പുലര്‍ച്ചെ കോഴിക്കോട് മെഡിക്കല്‍ കോളേജില്‍ ചകിത്സയിലിരിക്കെയാണ് മരണം.

കഴിഞ്ഞ മാസം 31ന് ഉച്ചയോടെയായിരുന്നു കുറ്റ്യാടി ചുരത്തിലെ മൂന്നാം വളവില്‍ വച്ച് രാജന്‍ സഞ്ചരിച്ച കാറിന് തീപിടിച്ചത്. കാറില്‍ നിന്നും പുക ഉയരുന്നത് കണ്ട നാട്ടുകാര്‍ ഉടനെ കാറിന്റെ ഗ്ലാസ് പൊളിച്ച് നീക്കുകയും കാറിനുള്ളില്‍ പൊള്ളലേറ്റു കിടന്ന രാജനെ പുറത്തെടുക്കുകയായിരുന്നു.

തുടര്‍ന്ന് തൊട്ടില്‍പ്പാലത്തെ സ്വകാര്യ ആശുപത്രിയില്‍ പ്രവേശിപ്പിക്കുകയും അവിടെ നിന്ന് പ്രാഥമിക ചികിത്സയ്ക്ക് ശേഷം കോഴിക്കോട് സ്വകാര്യ ആശുപത്രിയിലും തുടര്‍ന്ന് കോഴിക്കോട് മെഡിക്കല്‍ കോളജിലും പ്രവേശിപ്പിക്കുകയായിരുന്നു.