Advertisment

വീട്ടുമുറ്റത്ത് നിന്ന വീട്ടമ്മയെ പാഞ്ഞെത്തി ഇടിച്ചിട്ട് പരിക്കേല്‍പ്പിച്ചു; കാട്ടുപന്നിയെ വെടിവച്ചു കൊന്ന് ഫോറസ്റ്റ് ഉദ്യോഗസ്ഥര്‍

പാപ്പിനിപൊയിലിലെ ആയിശ ബീഗത്തിനാണ് പന്നിയുടെ ആക്രമണത്തില്‍ പരിക്കേറ്റത്.

New Update
424242

മലപ്പുറം: കരുളായിയില്‍ വീട്ടമ്മയെ ആക്രമിച്ച് പരിക്കേല്‍പ്പിച്ച കാട്ടുപന്നിയെ വെടിവച്ച് കൊന്നു. പാപ്പിനിപൊയിലിലെ ആയിശ ബീഗത്തിനാണ് പന്നിയുടെ ആക്രമണത്തില്‍ പരിക്കേറ്റത്. ഇവര്‍  മഞ്ചേരി മെഡിക്കല്‍ കോളേജ് ആശുപത്രിയില്‍ ചികിത്സയിലാണ്. 

Advertisment

ഇന്നലെ രാവിലെയാണ് സംഭവം. ആക്രമണകാരിയായ പന്നിയെ ഇന്നലെ രാത്രി ഫോറസ്റ്റ് ഉദ്യോഗസ്ഥരുടെ നേത്വത്തില്‍ വെടിവച്ചു കൊന്നു.  

രാവിലെ വീട്ടുമുറ്റത്ത് നില്‍ക്കുകയായിരുന്ന ആയിശ ബീഗത്തിനെ പാഞ്ഞെത്തിയ കാട്ടുപന്നി ഇടിച്ചിട്ട് ഓടുകയായിരുന്നു.  പ്രദേശത്ത് കാട്ടുപന്നിയുടെ ശല്യം കൂടുതലാണെന്നും വനംവകുപ്പ് ഉചിതമായ നടപടി സ്വീകരിക്കണമെന്നും നാട്ടുകാര്‍ ആവശ്യപ്പെട്ടു. 

 

 

Advertisment