പത്തനംതിട്ട: വിവാഹ അനുബന്ധ ചടങ്ങില് പങ്കെടുത്ത് മടങ്ങിയ ദമ്പതികള് ഉള്പ്പെടെയുള്ള സംഘത്തെ പോലീസ് ആക്രമിച്ച സംഭവത്തില് എസ്.ഐയ്ക്ക് ഗുരുതര വീഴ്ചയെന്ന് സ്പെഷല് ബ്രാഞ്ച് റിപ്പോര്ട്ട്. ആളുമാറിയാണ് വിവാഹ സംഘത്തെ ആക്രമിച്ചതെന്നും സ്പെഷല് ബ്രാഞ്ച് റിപ്പോര്ട്ടില് പറയുന്നത്.
പത്തനംതിട്ട പോലീസ് സ്റ്റേഷനിലെ എസ്.ഐ എസ്. ജിനുവും സംഘവുമാണ് വിവാഹ സംഘത്തെ ആക്രമിച്ചത്. കോട്ടയം സ്വദേശികള്ക്കാണ് പോലീസിന്റെ മര്ദനമേറ്റത്.
ചൊവ്വാഴ്ച രാത്രി 11നായിരുന്നു സംഭവം. ബാറിനു മുന്നില് പ്രശ്നമുണ്ടാക്കിയവരെ തേടിയാണ് പോലീസ് എത്തിയത്. പത്തനംതിട്ട സ്വകാര്യ ബസ് സ്റ്റാന്ഡിനോട് ചേര്ന്ന് വഴിയരികില് നിന്നവരെയാണ് പോലീസ് മര്ദിച്ചത്. 20 അംഗ സംഘമാണ് ട്രാവലറിലുണ്ടായിരുന്നത്. പരിക്കേറ്റവര് ജനറല് ആശുപത്രിയില് ചികിത്സയിലാണ്.